राष्ट्रियसभाबाट सम्पत्ति शुद्धीकरण विधेयक पारित

राजनीति

गृहपृष्ठ
राजनीति

राष्ट्रियसभाबाट सम्पत्ति शुद्धीकरण विधेयक पारित

क्यापिटल नेपाल बिहीबार, असार २५, २०८३

काठमाडौं। राष्ट्रिय सभाको आजको बैठकबाट ‘सम्पत्ति शुद्धीकरण (मनी लाउन्डरिङ) निवारण (तेस्रो संशोधन) विधेयक, २०८३’ सर्वसम्मतिले पारित भएको छ। अध्यादेशलाई विस्थापन गर्न ल्याइएको सो विधेयक प्रतिनिधिसभाबाट सन्देशसहित प्राप्त भएको हो। विधेयक अब प्रतिनिधिसभामा फिर्ता जाने छ।

सभामा अर्थमन्त्री डा. स्वर्णिम वाग्लेले सो विधायन व्यवस्थापन समितिको प्रतिवेदनसहितको उक्त विधेयकमाथि छलफलका लागि प्रस्ताव गरेका थिए। विधेयकमाथिको छलफलमा उठेका प्रश्नको जवाफ दिँदै उनले राष्ट्रिय आवश्यकता र समयको चापलाई ध्यान दिएर प्राप्त सुझावलाई मनन् गर्ने विश्वास दिलाए। यसअघि विधेयकमाथि सदस्य खम्बबहादुर खातीले छलफलमा भाग लिएका थिए।

विधायन व्यवस्थापन समितिका सभापति कृष्णबहादुर रोकायले ‘सम्पत्ति शुद्धीकरण (मनी लाउन्डरिङ) निवारणसहित ‘सार्वजनिक खरिद (दोस्रो संशोधन) विधेयक, २०८३’, ‘सहकारी (पहिलो संशोधन) विधेयक, २०८३’ र ‘स्वास्थ्य विज्ञान प्रतिष्ठानसम्बन्धी केही नेपाल ऐनलाई संशोधन गर्ने विधेयक, २०८३’ माथि समितिको प्रतिवेदन आजैको पहिलो बैठकमा पेस गरेका थिए।

प्रकाशित मिति: बिहीबार, असार २५, २०८३ १७:३०

प्रतिक्रिया दिनुहोस्