कार्यसम्पादनमा फेल हुने कर्मचारीलाई विदाई-पर्यटनमन्त्री भट्टराई

मुख्य समाचार

गृहपृष्ठ
मुख्य समाचार

कार्यसम्पादनमा फेल हुने कर्मचारीलाई विदाई-पर्यटनमन्त्री भट्टराई

क्यापिटल नेपाल आइतबार, असार १४, २०७७

काठमाडौं । संस्कृति, पर्यटन तथा नागरिक उडड्यनमन्त्री योगेश भट्टराईले राम्रो कार्यसम्पादन नगर्ने कर्मचारीलाई विनम्रतापूर्वक हटाइने बताएका छन् । आइतबार मन्त्रालय अन्र्तगतको सिनियर मेनेजमेण्ट टीमको बैठकलाई सम्बोधन गर्दै मन्त्री भट्टराईले आगामी आर्थिक वर्षको शुरुवातबाटै मन्त्रालय काममा ‘प्रोएक्टिभ’ भएर लाग्ने बताए ।

मन्त्री भट्टराईले भने–‘अहिल्यै मैले पूर्व सूचना गरेको छु । साउनबाट हामी काममा ‘प्रोएक्टिभ’ भएर लाग्छौं । राम्रो काम नगर्ने कर्मचारीलाई हटाईन्छ । त्यो बेला मन्त्रीले बलपूर्वक हटायो नभन्नु होला ।’ आफूले प्रधामन्त्रीसँग, सचिवले आफूसँग कार्यसम्पादन सम्झौता गर्ने अभ्यास स्मरण गराउँदै मन्त्री भट्टराईले भने–‘तपाईहरुले पनि सचिवसँग कार्यसम्पादनको सम्झौता गर्नुपर्छ । उक्त सम्झौताअनुसार काम भए/नभएको हरेर कसैमाथि पूर्वाग्रह नराखी पुरस्कृत र कार्वाही जे गर्नुपर्ने हो त्यो गरिन्छ ।’

हरेक १ वर्षमा कक्षा चढेजस्तै आफूहरुको पनि एउटा कक्षा चढ्ने बेला आएको उल्लखे गर्दै मन्त्री भट्टराईले भने–‘हामीले राम्रो अकंका साथ कक्षा उर्तिण हुनैपर्छ । चालू वर्षमा सम्पन्न हुन बाँकी काम पनि १५ दिन भित्र गर्न गर्नुहोला ।’ बैठकमा मन्त्री भट्टराईले प्रत्येक हप्ता प्रत्येक

महाशाखाहरुको कामको रिर्पोटिङ गरिने पनि बताए । साथै, कोभिड–१९ पछि सबै विमानस्थलहरु सञ्चालन गर्न प्रोटोकलको पूर्वतयारी, होटल तथा रेष्टुरेष्ट व्यवसायक खोल्न जारी भएको प्रोटोकलको कार्यन्वयन र अनुगमन गर्न सम्बन्धित महाशाखा÷निकाय प्रमुखलाई निर्देशन दिए ।

प्रकाशित मिति: आइतबार, असार १४, २०७७ १३:०७