ग्लोबल आईएमईबाट बाहिरिए कुवँर

बैंकिङ

गृहपृष्ठ
बैंकिङ

ग्लोबल आईएमईबाट बाहिरिए कुवँर

क्यापिटल नेपाल बिहीबार, असार २५, २०७७

काठमाडौं । ग्लोबल आईएमई बैंकबाट प्रमुख कार्यकारी अधिकृत (सीईओ) परशुराम कुवँर क्षेत्री बाहिरिएका छन् । जनता बैंकमा सीईओ रहेका क्षेत्री जनता ग्लोबल आर्इएमईमा गाँभिएसँगै त्यसको सीईओ नियुक्त भएका थिए ।

तर, उनले दुई बैंक एकीकृत भएको ७ महिनापछि नै बैंकको व्यवस्थापकीय नेतृत्वबाट बाहिरिएका हुन् । हक्की स्वभावका कुवँरले दिएको राजीनामा बैंक सञ्चालक समितिले स्वीकृत पनि गरिसकेको छ । उनको कार्यकाल २०७८ जेठसम्म रहेपनि साउन १ बाटै बाहिरिने निर्णय गरेको बताएका थिए।

बैंक छोड्दै सीईओ कुवँरले सामाजिक सञ्जालमार्फत राजीनामा दिएको घोषणा गर्दै स्वास्थ्यका कारणले २०७७ आषाढ १ गतेबाट बैंकको प्रमुख कार्यकारी अधिकृत पदवाट राजीनामा वैंकको संचालक समितिले २०७७ साउन १ गतेवाट लागू हुने गरी स्वीकृत गरेको उल्लेख गरेका छन् ।
‘मेरो रोज़गार सम्झौता अनुसारको बाँकी सेवा अवधि २०७८ जेठ मसान्त सम्म नै काम गरेर बैकिंङ क्षेत्र मात्र होईन सम्पूर्ण क्षेत्रबाट पूर्णकालीन कामबाट अवकाश लिन चाहन्थे’ सीईओ क्षेत्रीले लेखेका छन्, ‘तर मानिसहरुका सवै इच्छा र आकांक्षा पुरा हुदैनन् ।’

‘म कुनै ठूलो महत्वकांक्षा राख्ने मान्छे होईन, जीन्दगी भरी मेहनत गर्ने र मेहनतको फलवापत जे पाएँ त्यसैमा चित्त बुझाएँ’ उनले लेखेका छन्, तर मेरो यों आकांक्षा पुरा नभएकोमा मलाई जीन्दगीभर अलिकति पिडा हुनेछ ।’

जिन्दगीभर मैले निरन्तर रुपमा ९९६ को मोडेलमा काम गरें । अर्थात विहान ९ बजे देखि वेलुका ९ वजे सम्म हप्ताको ६ दिन काम गरेको बताएका छन् । ज़िन्दगीका थुप्रै दिन दिनको १४.१५ घण्टा र शनिबारका दिन समेत काम गरेको सम्झना गर्दै पढाइमा अव्वल नै भएपनि सरकारी स्कुल र कलेजमा पढेको एक मध्यम वर्गीय किसानको छोरो भएकोले सहायक तहवाट बैकिङ क्षेत्रमा प्रवेश गरेको उल्लेख गर्दै उनले लेखेका छन्, ‘म आज जहाँ छु र ज़िन्दगीमा मैले जे हासिल गरे त्यो सवै मेरो मेहनत कै फल हो ’ ।

प्रकाशित मिति: बिहीबार, असार २५, २०७७ १५:५८

प्रतिक्रिया दिनुहोस्