आइएमई घरमैको १ लाखको भाग्यशाली विजेता बने रोकाया

बैंकिङ

गृहपृष्ठ
बैंकिङ

आइएमई घरमैको १ लाखको भाग्यशाली विजेता बने रोकाया

क्यापिटल नेपाल मंगलबार, साउन ६, २०७७

काठमाडौँ । आइएमई सेवाग्राही मंगल बहादुर रोकाया आइएमई घरमैको विजेता घोषित भएका छन् । सफ्टवेयर पद्वतिमा आधारित ‘लक्की–ड्र’ मार्फत रोकाया विजेता घोषित भएका कम्पनीले जानकारी दिएका हुन् । विजेता रोकायाले एक लाख रुपैयाँ पुरस्कार राशी प्राप्त गरेका छन् ।

आइएमई लिमिटेडले कोरोना भाइरस (कोभिड ( १९) को प्रभावलाई मध्यनजर गर्दै घरबाहिर ननिस्की नै रेमिटेन्स गरिएको रकम सजिलै प्राप्त गर्न सकिन्छ भन्ने सन्देश प्रवाह गर्नका लागि आइएमई घरमै– रू. १ लाख जितौं भन्ने उपहार कार्यक्रम योजना सुरू गरेको थियो ।

२०७७ साल असारको अन्त्यसम्म मात्र कायम ‘आइएमई घरमै’ उपहार योजनाबाट आइएमई गरिएको रकम आइएमई पे मोबाइल वालेट एपमा प्राप्त गर्ने १ जना भाग्यशालीलाई १ लाख र हरेक हप्ता ५ जनालाई जनही ५ हजार प्रदान गरिने गरी सार्वजनिक गरिएको थियो ।

प्रकाशित मिति: मंगलबार, साउन ६, २०७७ १२:३२