१७० करोड बक्यौता नतिरेपछि विद्युत प्राधिकरणले काट्यो रघुपति जुट मिल्स र रिलायन्स स्पिनिङ मिल्सको लाइन

उद्योग

गृहपृष्ठ
उद्योग

१७० करोड बक्यौता नतिरेपछि विद्युत प्राधिकरणले काट्यो रघुपति जुट मिल्स र रिलायन्स स्पिनिङ मिल्सको लाइन

क्यापिटल नेपालबुधबार, चैत ५, २०७६

काठमाडौं । डेडिकेटेड लाइन प्रयोग गर्ने उद्योगले विद्युत् महशुल नतिरेको भन्दै विद्युत प्राधिकरणले सुनसरी मोरङ औद्योगिक करिडोरका दुई उद्योगको लाइन काटेको छ ।

डेडिकेटेड लाइन प्रयोग गरेको विराटनगरको रघुपति जुट मिलले १५ करोड ५५ लाख ६८ हजार रुपैयाँ बक्यौता नतिरेपछि लाइन काटिएको छ । मिलले गत कात्तिकसम्मको ११ करोड ९१ लाख रुपैयाँ ४४ किस्तामा तिर्ने सहमति गरेको थियो । प्रतिकिस्ता २७ लाख ६ हजार रुपैयाँ तिर्ने सहमति गरेको उद्योगले पैसा नतिरेपछि लाइन काटिएको प्राधिकरण विराटनगर वितरण केन्द्र प्रमुख राजीव सिंहले बताए ।

त्यस्तै, सुनसरीको खनारस्थित रिलायन्य स्पिनिङ मिलको पनि लाइन काटिएको छ । मिलले डेडिकेटेड लाइन प्रयोग गरेबापत १ अर्ब ५० करोड ३४ लाख ८६७ रुपैयाँ बक्यौता नतिरेपछि लाइन काटिएको इटहरी वितरण केन्द्रका प्रमुख मिथलेसकुमार गोइवारले बताए ।

मिलले वि.सं २०७२ भदौ देखि डेडिकेटेड लाइनअनुसार बक्यौता तिरेको थिएन् । पटक पटक बक्यौता तिर्न ताकेता गरेपनि मिलले नतिरेको गोइवारले बताए । पछि, मिल उच्च अदालत गएको थियो ।

प्रकाशित मिति: बुधबार, चैत ५, २०७६ १६:२३

प्रतिक्रिया दिनुहोस्