एसईईको नतिजा प्रकाशित, ६२ प्रतिशत विद्यार्थी ग्रेडेड

मुख्य समाचार

गृहपृष्ठ
मुख्य समाचार

एसईईको नतिजा प्रकाशित, ६२ प्रतिशत विद्यार्थी ग्रेडेड

क्यापिटल नेपालशुक्रबार, असार १३, २०८२

काठमाडौं। राष्ट्रिय परीक्षा बोर्डले यस वर्षको माध्यमिक शिक्षा परीक्षा (एसईई) को नतिजा सार्वजनिक गरेको छ। शुक्रबार साँझ बसेको बोर्डको बैठकले कक्षा १० को माध्यमिक शिक्षा परीक्षा (एसईई) को नतिजा प्रकाशित गरेकाे हाे।

बोर्डका अनुसार ६२ प्रतिशत विद्यार्थी ग्रेडेड भएका छन्। नियमित परीक्षामा सहभागी भएका ४ लाख ३८ हजार ८९६ परीक्षार्थीमध्ये ३.६ देखि ४ जीपीए ४८ हजार १७७, ३.२ देखि ३.६ जीपीएसम्म ८१ हजार ३५५, २.८ देखि ३.२ जीपीएसम्म ९९ हजार १२४ जना, २.४ देखि २.८ जीपीएसम्म ४८ हजार ४७९, २ देखि २.४ सम्म ल्याउने ४ हजार १२६ जना, १.६ देखि २ जीपीएसम्म ८ जना छन्।

बोर्डले १२६ जना परीक्षार्थीको परीक्षा भने रद्द भएको जनाएकाे छ। अवर्गीकृत परीक्षार्थीको संख्या भने १ लाख ६७ हजार ५९७ रहेको छ। नतिजासम्बन्धी विवरणहरू एसएमएस, आईभीआर र वेबसाइटमार्फत हेर्न सकिने बोर्डले बताएकाे छ।

गत २०८१ सालको चैत ७ गतेदेखि १९ गतेसम्म सञ्चालन भएको एसइईमा नियमिततर्फ ४ लाख ३१ हजार ४६६ र ग्रेड वृद्धितर्फ ६७ हजार ७१५ गरी जम्मा ४ लाख ९९ हजार १८३ विद्यार्थी सहभागी भएका थिए।

प्रकाशित मिति: शुक्रबार, असार १३, २०८२ १९:५०

प्रतिक्रिया दिनुहोस्