१ लाखसम्म कोरोना बिमा गर्न सकिने

मुख्य समाचार

गृहपृष्ठ
मुख्य समाचार

१ लाखसम्म कोरोना बिमा गर्न सकिने

क्यापिटल नेपालशुक्रबार, वैशाख ५, २०७७

काठमाडौ । कोरोना भाईरस जोखिम विरुद्ध १ लाख रुपैयाँसम्मको बिमा गर्न पाईने भएको छ । बिमा समितिले विहीबार परिपत्र जारी गर्दै सबै निर्जीवन बिमा कम्पनीहरुलाई कोरोना भाईरस जोखिम विरुद्धको बिमालेख जारी गर्न निर्देशन दिएको हो । बिमा कम्पनीहरुले कारोनालाई घातक रोग सरहको बिमा गर्न पाउँनेछन् ।

कम्पनीहरुले ५० हजार र १ लाख रुपैयाँसम्मको बिमालेख जारी गर्न पाउँनेछन् । १ लाख रुपैयाँसम्मको बिमालेख अन्र्तगत कम्पनीहरुले बिमा गर्दा प्रति व्यक्ति १ हजार रुपैयाँ र परिवारको गर्दा प्रति व्यक्ति ६ सय रुपैयाँ बिमाशुल्क कायम गर्नुपर्नेछ । त्यस्तै, ५० हजार रुपैयाँ बिमांक रकम बराबरको बिमा गर्दा प्रति व्यक्ति ५ सय र परिवारको गर्दा ३ सय रुपैयाँ बिमाशुल्क कायम गर्नुपर्नेछ ।

तर, बिमा भएको १५ दिन पछि मात्रै दाबी गर्न सकिनेछ । कोरोना भाईरस पुष्टी हुनासाथ दाबी गर्न सकिनेछ । लघुबिमा मार्फत कम्पनीहरुले यो बिमालेख जारी गर्न पाउँनेछन् । हाल कृषि बिमा र घुम्ती बिमा लागि तोकिएो जिल्लाहरुमा कार्यरत बिमा कम्पनीहरुले अनिवार्य रुपमा कार्यन्वयन गर्न समितिले निर्देशन दिएको छ ।