तिहार नजिकिएसँगै किसानलाई फुल टिप्ने चटारो(फोटो फिचर)

मुख्य समाचार

गृहपृष्ठ
मुख्य समाचार

तिहार नजिकिएसँगै किसानलाई फुल टिप्ने चटारो(फोटो फिचर)

नाजिया श्रेष्ठ सोमबार, कात्तिक २४, २०७७

हिन्दुहरुको दोस्रो महान चाड तिहार नजिकिँदै छ । तिहारमा घर सिँगार्न, पूजा गर्न, दाजुभाइका लागि दिदीबहिनीले भाईटिका गर्ने समयमा माला लगाइदिनका लागि फूल आवश्यक पर्छ । तिहार पर्वमा फूलको निकै ठूलो महत्व रहेको हुन्छ् । त्यसैले पनि होला तिहारलाई फूलहरुको चाड भनेर पनि चिनिन्छ ।

मखमली, सयपत्री, गुर्धौली फूल यतिबेला ढकमक्क भई फुलेका छन् । काठमाडौंको इचङ्गुनारायणमा देखिएको यो मौलिक नेपाली घर र घर वरिपरि फूलेका सयपत्री फूलको यो दृश्य निकै सुन्दर देखिन्छ ।

तिहार सुरु हुन केही दिन मात्र बाँकी हुँदा व्यवसायीहरुको व्यस्तता बढेको छ । बारीका फूल टिपेर माला गाँस्ने र बजार पुर्याउने काम गर्न उनीहरुलाई भ्याइनभ्याई छ ।

यस वर्ष कोरोना संक्रमणको कारण खासै रौनक नभएको र मलमासको कारण चाडबाड पछि परेकाले व्यवसायीहरुलाई अघिल्ला वर्षहरुमा जस्तो चटारो भने छैन । बिगतमा धान भित्राउने बेला र तिहारको दिन सँगसँगै जस्तो पर्ने हुँदा किसानहरुलाई चटारो हुन्थ्यो । तर यस वर्ष तिहार अलि पछि परेकाले धान भित्राइसकेर तिहारको तयारी गर्न उनीहरुलाई अलि सहज भएको छ ।

तिहारमा सबैभन्दा धेरै खपत हुने फूल सयपत्री र मखमली हो । गुर्धौली फूलको पनि माग हुने गरेको छ ।

No description available.