सूर्यविनायक धुलिखेल सडकः यात्रुलाई धुलो र धुवाँकै सास्ती (तस्बिरसहित)

फोटो फिचर

गृहपृष्ठ
फोटो फिचर

सूर्यविनायक धुलिखेल सडकः यात्रुलाई धुलो र धुवाँकै सास्ती (तस्बिरसहित)

क्यापिटल नेपाल शुक्रबार, असोज १०, २०८२

अरनिको राजमार्गअन्तर्गत सूर्यविनायकबाट धुलिखेलसम्मको १६ किलोमिटर सडकको ६ लेन विस्तार सुस्त गतिमा चल्दा दसैंको समय यो खण्ड भएर यात्रा गर्दा धुवाँ, धुलो, हिलो झेल्नुपरेको छ।

भक्तपुर सूर्यविनायकबाट साँगासम्म र साँगाबाट धुलिखेलसम्म गरी सो सडक दुई खण्डमा विभाजन गरी विस्तार २०७९ पुस २४ बाट सुरु गरी ३६ महिनाभित्र सम्पन्न गर्ने गरी काम सुरु गरिए पनि हालसम्म सडक विस्तार सम्पन्न हुन सकेको छैन।

सडक विस्तारका लागि ७.५ किमि लामो सूर्यविनायक–साँगा सडक खण्ड ३ अर्ब ८८ करोड ९३ लाख रुपैयाँ र साँगा–धुलिखेल ८.४ किमि सडक खण्ड विस्तारका लागि ४ अर्ब पाँच करोड ६४ लाख रुपैयाँमा ठेक्का सम्झौता गरेको थियो।

सूर्यविनायक–धुलिखेल, सिन्धुली–बर्दिबास सडक आयोजना कार्यालयका अनुसार धुलिखेलसम्मको मुख्य सडक र सर्भिस लेन गरी ६ लेनको सडक विस्तार कार्य बजेट अभावका कारणले ढिलाइ भएको आयोजनाले बताएको छ।

२०१७ मा राजमार्ग बन्दा सडक दायाँबायाँ २५–२५ गज अर्थात् २२ दशमलव ८६ मिटर कायम गरिएको थियो। यस्तै २०२१ मा सरकारले कानुन बनाएर यो मार्गमा त्यही नियमलाई यथावत कायम गरेको थियो र सोही आधारमा सडकका दायाँ–बायाँमा घर बनेका थिए।

संघीय राजधानी काठमाडौंबाट बागमती प्रदेशअन्तर्गत मध्यपहाडीका बिपी र पुष्पलाल रार्जमार्ग हुँदै पूर्वसम्मको दूरी यही सडकबाट पार गरिन्छ भने यो सडकबाट अरनिको राजमार्ग हुँदै कोसी र मधेस प्रदेशका नागरिकसमेत काठमाडौं आवतजावत गर्दै आएका छन्।

Suryabinayak-Dhulikhel-Road_NPL_DSC02341-1758864243.jpg