राजधानीमा यसरी मनाइयो जनैपूर्णिमा (फोटोफिचर)

मुख्य समाचार

गृहपृष्ठ
मुख्य समाचार

राजधानीमा यसरी मनाइयो जनैपूर्णिमा (फोटोफिचर)

नाजिया श्रेष्ठसोमबार, साउन १९, २०७७

काठमाडौं । साउन शुक्ल पूर्णिमाका सोमबार हिन्दु धर्मावलम्बीहरुको विशेष चाड जनैपूर्णिमा मनाएका छन् । जनै फेर्नका लागि अघिल्लो दिन नै केश मुन्डन गरेर एकछाक भोजन गर्ने चलन छ । गोबर र तुलसी रोपिएको माटो लगाई नदी वा तलाउ कुण्डमा स्नान गरेर जनै फेर्ने र रक्षाबन्धन लगाउने प्रचलन छ ।

हिन्दुधर्मका वैदिक ग्रन्थअनुसार जनैलाई ब्रह्मसूत्र अर्थात् वेदोक्तकर्म सम्पादन गर्न र वेदाध्ययन गर्ने अधिकार प्राप्तिका लागि धारण गर्न मन्त्रिएको धागो भन्ने बुझिन्छ । शिखाहरूमध्ये एउटा जनैका शिखामा रहेका तीन डोरालाई ब्रह्मा, विष्णु र महेश्वर तथा अर्को जनैका शिखामा रहेका तीन डोरालाई कर्म, उपासना र ज्ञानका प्रतिकहरूको योग मानिन्छ ।आज राजधानीको पाशुपात क्षेत्र र पाटनको कुम्भस्वरमा मेला लाग्ने गर्दछ ।