सानिमा जनरल इन्स्योरेन्सको आईपीओमा साढे ४ गुणा बढी आवेदन

मुख्य समाचार

गृहपृष्ठ
मुख्य समाचार

सानिमा जनरल इन्स्योरेन्सको आईपीओमा साढे ४ गुणा बढी आवेदन

क्यापिटल नेपालबिहीबार, असोज २२, २०७७

काठमाडौं । सानिमा जनरल इन्स्योरेन्स लिमिटेडको प्राथमिक सेयर (आर्इपीओ) झण्डै साढे ४ गुणा बढी आवेदन परेको छ । आईपीओ निष्कासन गरेको दोस्रो दिनमै १ अर्ब २४ करोड ७० लाख ९० हजार रुपैयाँ बराबरको आवेदन परको बिक्री प्रबन्धक एनआइसी एसिया क्यापिटल लिमिटेडले जनाएको छ ।

एनआइसी एसियाका अनुसार बिहीबार साँझसम्म ५ लाख ६१ हजार ७०० जनाले १ करोड २४ लाख ७० हजार ९०० कित्ताका लागि आवेदन दिएका छन् । यो सर्वसाधारको लागि बिक्री खुला गरिएको कुल २७ लाख ३० हजार कित्तालाई आधार मान्दा ४.५६ गुणा बढी आवेदन हो ।

सानिमाले बुधारबाट ३० करोड रुपैयाँ बराबरको ३० लाख कित्ता आइपीओ निष्कासन गरेको हो । कुल निष्कासन मध्ये ४ प्रतिशत अर्थात् १ लाख २० हजार कित्ता सेयर कम्पनीका कर्मचारीको लागि छुट्याएको छ ।

५ प्रतिशत अर्थात् १ लाख ५० हजार कित्ता म्युचुअल फण्डहरुका लागि सुरक्षित गरिएको छ । बाँकी २७ लाख ३० हजार कित्तामा सर्वसाधारणले आवेदन दिन सक्नेछन् ।

यस आइपीओमा असोज २५ गतेसम्म आवेदन दिन सकिनेछ । लगानीकर्ताले न्यूनतम १० देखि अधिकतम १ हजार कित्तासम्मका लागि आवेदन दिन सक्नेछन् ।

यो आइपीओलाई केयर रेटिङ नेपालले मध्यम अवस्था अर्थात् औसत जोखिम जनाउने केयर एनपीबीबी प्लस’ रेटिङ प्रदान गरेको छ । हाल यस कम्पनीको चुक्ता पुँजी ७० करोड रुपैयाँ रहेको छ । आइपीओ बाँडफाँडपछि चुक्ता पुँजी १ अर्ब रुपैयाँ पुग्नेछ ।

प्रकाशित मिति: बिहीबार, असोज २२, २०७७ १९:२६

प्रतिक्रिया दिनुहोस्