४०० केभी ढल्केवर सवस्टेशन ‘चार्जमा’, १२०० मेगावाट बिजुली निर्यात-आयातको बाटो खुल्यो

पूर्वाधार

गृहपृष्ठ
पूर्वाधार

४०० केभी ढल्केवर सवस्टेशन ‘चार्जमा’, १२०० मेगावाट बिजुली निर्यात-आयातको बाटो खुल्यो

क्यापिटल नेपालबिहीबार, कात्तिक ६, २०७७

काठमाडौं । लामो संघर्षपछि ढल्केवर सवस्टेशन ४०० केभीमा चार्ज भएको छ । सवस्टेशन सञ्चालनमा आएपछि नेपाल र भारतबीच १ हजार २०० मेगावाटसम्म बिजुली आयात निर्यात हुने छ ।

यो नेपालको विधुत क्षेत्रको लागि एउटा महत्वपुर्ण कोषेढुङ्गा हो । विद्युत्, प्राधिकरणको ईन्जिनियर डिजाइन र एनईए ईन्जिनियरिङ कम्पनीको सुपरभिजनमा यो आयोजना सम्पन्न भएको हो । यो सवस्टेशनको क्षमता ९४५ एमभीए रहेको छ । हालसम्म निर्माण भएको यो सबैभन्दा ठुलो क्षमताको सवस्टेशन हो ।

आर्थिक वर्ष २०७४/०७५ देखि टेण्डर प्रकृया शुरु गरि साढे २ वर्षको निर्माण अवधिपछि सवस्टेशन सम्पन्न भएको हो । गत असारमा सम्पन्न गर्ने लक्ष्य राखे पनि कोरोना भाइरस महामारीका कारण भएको बन्दाबन्दी (लकडाउन) मा समेत निरन्तर काम भई रहेको थियो । तर हाई भोल्टेज टेष्टिङ मसिन केरुङ नाकाबाट करिव ३ महिनासम्म छुटाउन नसक्दा समयमा चार्ज हुन सकेको थिएन ।

नेपाल र भारतबीच ढल्केवार मुजफरपुर लाईन ४०० केभीका लागि तयार भएको भए पनि सवस्टेसनको कारणले शुरुमा १३२ केभीमा मात्र चार्ज भएको थियो । त्यसपछि २०७५/०७६ मा २२० केभीमा चार्ज भयो । हाल आएर दोब्बर बढी क्षमतामा सवस्टेशन चार्ज भएको छ ।

१ हजार २०० मेगावाट विधुत शक्ति प्रसारण क्षमता भएको यस लाईनबाट हाललाई करिव ८५० मेगावाटसम्म निर्यात वा आयात गर्न सकिने आयोजनाले जनाएको छ ।

निर्माणधिन ४५६ मेगावाटको माथिल्लो तामाकोसीको बिजुली भारतमा निर्यात गर्न सकिने छ । नेपालभित्रको पुर्व पश्चिम लाईन ४०० केभिमा चार्ज भए पश्चात् यस लाईनबाट करिव १ हजार २०० मेगावाट प्रवाह गर्न सकिनेछ ।

प्रकाशित मिति: बिहीबार, कात्तिक ६, २०७७ ०७:४६

प्रतिक्रिया दिनुहोस्