यसै वर्ष सिद्धबाबा सुरुङमार्गको टेन्डर गरी निर्माण प्रक्रिया थालिने

मुख्य समाचार

गृहपृष्ठ
मुख्य समाचार

यसै वर्ष सिद्धबाबा सुरुङमार्गको टेन्डर गरी निर्माण प्रक्रिया थालिने

क्यापिटल नेपाल मंगलबार, कात्तिक २५, २०७७

काठमाडौं । सरकारले सिद्धबाबा सुरुङमार्गको निर्माण प्रक्रिया यसै वर्ष अघि बढाउने भएको छ । पाल्पा–बुटवल सडकमार्गमा वर्षौंदेखि जोखिम क्षेत्र बन्दै गएपछि यसै वर्षदेखि सुरुङमार्ग निर्माणको प्रक्रिया अघि बढाउन बोलपत्र आह्वान गर्ने भौतिक पूर्वाधार तथा यातायात मन्त्रालयले जनाएको छ ।

मन्त्रालयअन्तर्गतको सडक विभागमातहतको गुणस्तर अनुसन्धान तथा विकास केन्द्रले यस सुरुङमार्गका लागि बोलपत्र आह्वान गर्न प्रक्रिया अघि बढाएको जनाएको छ । निर्माण थालेको पाँच वर्षमा सक्ने गरी टेण्डर निकाल्ने तयारी गरिएको केन्द्रका प्रमुख डा. विजय जैसीले बताए ।

उनका अनुसार, यस आयोजनामा निर्माण प्रस्तावक कम्पनीहरुको पूर्वयोग्यता मूल्यांकन (प्रि–क्वालिफिकेसन) गरेर मात्रै निर्माणको ठेक्का दिन लागिएको छ। अहिले प्रि–क्वालिफिकेसनको फाइल तयार पारेर मन्त्रालय पठाइसकेको छ । तर अहिले सुरुङमार्गसम्बन्धी डकुमेन्टको मापदण्ड नेपाल सरकारसँग छैन। सोही कारण सार्वजनिक खरिद अनुगमन कार्यालय (पीपीएमओ) सँग स्वीकृति लिनुपर्ने हुन्छ।