प्रभु बैंकको खुदनाफा ३५ प्रतिशतले बढेर ८५ करोड पुग्यो

मुख्य समाचार

गृहपृष्ठ
मुख्य समाचार

प्रभु बैंकको खुदनाफा ३५ प्रतिशतले बढेर ८५ करोड पुग्यो

क्यापिटल नेपाल बिहीबार, कात्तिक २७, २०७७

काठमाडौं । प्रभु बैंकको नाफा ३५ प्रतिशतले बढेको छ । चालु आर्थिक वर्षको पहिलो त्रैमासमा प्रभुले ८५ करोड रुपैयाँ खुद नाफा गरेको छ। यो गत आर्थिक वर्षको सोही अवधिमा बैंकले ६२ करोड ८४ लाख रुपैयाँ खुदनाफा आर्जन गरेको थियो।

गत वर्षको तुलनामा चालु आर्थिक वर्षमा प्रभुको नाफा २२ करोड रुपैयाँ बढेको बिहीबार सार्वजनिक गरेको वित्तीय विवरणमा उल्लेख छ । बैंकको खुद्ब्याजका साथै अन्य आम्दानीहरु बढेपछि खुदनाफामा वृद्धि भएको हो।

बैंकका सेयरधनीहरुलाई वितरणयोग्य नाफा १७ करोड ५६ लाख रुपैयाँ मात्र छ ।बैंकको खुदब्याज आम्दानी २० प्रतिशत बढेर १ अर्ब ६९ करोड ३९ लाख रुपैयाँ पुगेको छ ।

बैंकको प्रतिसेयर आम्दानी बढेर ३२ रुपैयाँ ९६ पैसा पुगेको छ। सो अवधिसम्ममा बैंकको प्रतिसेयर नेटवर्थ १५५ रुपैयाँ छ। बैंकको निष्क्रिय कर्जा घटेर २.६७ प्रतिशतमा झरेको छ। समीक्षा अवधिमा बैंकको आधार दर ७.३९ प्रतिशत र स्प्रेडदर ४.३७ प्रतिशतमा सीमित भएको छ।

बैंकको चुक्तापुँजी १० अर्ब ३१ करोड ५५ लाख रुपैयाँ रुपैयाँ छ । बैंकको जगेडा कोषमा ४ अर्ब ३० करोड रुपैयाँ जम्मा भएको छ । असोजसम्म बैंकको निक्षेप १ खर्ब २८ अर्बबाट बढेर १ खर्ब ३३ अर्ब रुपैयाँ पुगेको छ। त्यसैगरी, बैंकको कर्जा सापटी ९९ अर्ब ४१ करोड रुपैयाँबाट बढेर १ खर्ब १६ अर्ब रुपैयाँ पुगेको वित्तीय विवरणमा उल्लेख छ ।

प्रकाशित मिति: बिहीबार, कात्तिक २७, २०७७ ०९:०४