ब्याज आम्दानी घटेपछि हिमालयन बैंकको नाफामा ४७ प्रतिशतले गिरावट

मुख्य समाचार

गृहपृष्ठ
मुख्य समाचार

ब्याज आम्दानी घटेपछि हिमालयन बैंकको नाफामा ४७ प्रतिशतले गिरावट

क्यापिटल नेपाल शुक्रबार, कात्तिक २८, २०७७

काठमाडौं । हिमालयन बैंकको नाफामा ४७.२९ प्रतिशतले गिरावट आएको छ । चालु आर्थिक वर्षको पहिलो त्रैमासमा बैंकले ३६ करोड ५९ लाख रुपैयाँ खुदनाफा गरेको छ । गत वर्षको पहिलो त्रैमाशमा बैंकले ६९ करोड ४२ लाख रुपैयाँ खुदनाफा कमाएको थियो ।

गत आर्थिक वर्षको तुलनामा चालुआर्थिक वर्षमा बैंकको नाफा करिव ३२ करोड ८३ लाख रुपैयाँ घटेको शुक्रबार सार्वजनिक गरेको वित्तीय विवरणमा उल्लेख छ ।

बैंकको खुद ब्याज आम्दानीसँगै अन्य आम्दानी घटेका कारण नाफामा गिरावट आएको हो। बैंकको वितरणयोग्य नाफा ६२ लाख ६२ हजार रुपैयाँ मात्र छ।

समीक्षा अवधिमा बैंकको खुदब्याज आम्दानी ३७ करोड ९९ लाख रुपैयाँ घटेर ९३ करोड ८९ लाख रुपैयाँमा सीमित भएको छ। यसको असर नाफामा देखिएको हो ।

बैंकको चुक्तापुँजी ९ अर्ब ३७ करोड २२ लाख रुपैयाँ छ । बैंकको जगेडा कोषमा ६ अर्ब ७ करोड ९७ लाख रुपैयाँ जम्मा भएको छ । हिमालयन बैंकको निक्षेप १ खर्ब २८ अर्ब र कर्जा सापटी ९९ अर्ब ३८ करोड रुपैयाँ छ।

खुद नाफासँगै बैंकको प्रतिसेयर आम्दानीमा पनि गिरावट आएको छ। गत आर्थिक वर्षको असोज मसान्तसम्ममा ३२ रुपैयाँ ५९ पैसा रहेको बैंकको चालु आर्थिक वर्षमा घटेर १५ रुपैयाँ ६२ पैसामा सीमित भएको छ।

सो अवधिसम्ममा बैंकको प्रतिशेयर नेटवर्थ १९१ रुपैयाँ ५९ पैसा रहेको छ ।बैंकको आधारदर ७.१६ प्रतिशत र स्प्रेडदर ४.७८ प्रतिशतमा झरेको छ।

प्रकाशित मिति: शुक्रबार, कात्तिक २८, २०७७ ०८:०३

प्रतिक्रिया दिनुहोस्