नेपाल लाइफ इन्स्योरेन्सको खुदनाफा १२ प्रतिशतले बढ्यो, ३ महिनामा २२ करोड ९० लाख

मुख्य समाचार

गृहपृष्ठ
मुख्य समाचार

नेपाल लाइफ इन्स्योरेन्सको खुदनाफा १२ प्रतिशतले बढ्यो, ३ महिनामा २२ करोड ९० लाख

क्यापिटल नेपाल शुक्रबार, कात्तिक २८, २०७७

काठमाडौं । नेपाल लाइफ इन्स्योरेन्स कम्पनी लिमिटेडको खुदनाफा १२ प्रतिशतले बढेको छ । चालु आर्थिक वर्षको पहिलो त्रैमाससम्ममा कम्पनीले २२ करोड ९० लाख रुपैयाँ खुदनाफा गरेको छ ।

अघिल्लो वर्ष यसै अवधिमा नेपाल लाइफको खुदनाफा २० करोड ४४ लाख रुपैयाँ थियो । पहिलो त्रैमासको नाफामा बिमांकीय मूल्याकंनपछिको नाफा समावेश नगरिएको कम्पनीले जनाएको छ ।

असोज मसान्तसम्म आइपुग्दा खुद बिमा शुल्क आर्जन बढेर ८ अर्ब ९२ करोड ५१ लाख ५२ हजार रुपैयाँ पुगेको छ । अघिल्लो वर्ष नेपाल लाइफले ७ अर्ब ८१ करोड ८३ लाख रुपैयाँमात्रै खुदबिमा शुल्क आर्जन गरेको थियो ।

यसअवधिमा नेपाल लाइफको जीवन बिमा कोषको आकार ३१ प्रतिशतले बढेर ९४ अर्ब ८२ करोड १३ लाख ६३ रुपैयाँ पुगेको छ । गत वर्ष यसको जीवन बिमा कोषमा ७२ अर्ब ३३ करोड ३० लाख ९५ हजार रुपैयाँ थियो ।

नेपाल लाइफको चुक्तापुँजी ५ अर्ब ४९ करोड ६१ लाख रुपैयाँ छ । जगेडा कोषमा ३ अर्ब ६६ करोड ७२ लाख रुपैयाँ जम्मा भएको छ । प्रतिसेयर आम्दानी १६ रुपैयाँ ६७ पैसा र प्रतिसेयर नेटवर्थ १७७ रुपैयाँ ७९ पैसा छ ।

यद्यपी विमांकीय मूल्यांकन (एक्च्यूरी) पछि प्राप्त हुने नाफा जोड्दा भने प्रतिसेयर आम्दानी र नेटवर्थ अनुपातमा फरक पर्न छ । असोज मसान्तसम्म नेपाल लाइफले ३ अर्ब ६९ करोड १९ लाख रुपैयाँ कुल दाबी भुक्तानी गरेको छ ।

प्रकाशित मिति: शुक्रबार, कात्तिक २८, २०७७ ०८:५२