जनकपुर विमानस्थलमा हवाई इन्धन रिफ्युलिङ स्टेसन

मुख्य समाचार

गृहपृष्ठ
मुख्य समाचार

जनकपुर विमानस्थलमा हवाई इन्धन रिफ्युलिङ स्टेसन

क्यापिटल नेपाल शुक्रबार, साउन १०, २०७६

काठमाडौं । प्रदेश २ को राजधानी जनकपुरमा रहेको जनकपुर विमानस्थलमा पहिलो पटक हवाई इन्धन रिफ्युलिङ स्टेसन स्थापना भएको छ । विमानस्थल स्थापना भएको ५३ वर्षपछि रिफ्युलिङ स्टेसनको स्थापना गरिएको हो ।

इन्धन रिफ्युलिङ स्टेसन नभएकै कारण त्यहाँ जाने एयरलाइन्सले समस्या भोग्दै आएका थिए । रिफ्युलिङ स्टेसनको शुक्रबार उद्योग, वाणिज्य तथा आपूर्तिमन्त्री मात्रिकाप्रसाद यादवले बुद्ध एयरमा इन्धन भरेर सुभारम्भ गरेका छन् । मन्त्री यादवले जनकपुर आउने विमामनहरुलाई सुविधा दिनकै लागि रिफ्युलिङ स्टेसन स्थापना गरिएको बताए ।

नेपाल आयल निगमले तत्कालका लागि १६ हजार किलोलिटर क्षमताका दुई ओटा रिफिलको व्यवस्था गरेको प्रवक्ता वीरेन्द्र गोइतले जानकारी दिए । जनकपुर विमानस्थलका लागि विराटनगरबाट हवाई इन्धन ल्याइने छ ।