उद्योग वाणिज्य महासंघको निर्वाचन तयारी पूरा, शनिबार बिहान ८ बजेदेखि मतदान हुने

उद्योग

गृहपृष्ठ
उद्योग

उद्योग वाणिज्य महासंघको निर्वाचन तयारी पूरा, शनिबार बिहान ८ बजेदेखि मतदान हुने

क्यापिटल नेपालशुक्रबार, मंसिर १२, २०७७

काठमाडौं। नेपाल उद्योग वाणिज्य महासंघको निर्वाचनको तयारी पूरा भएको छ । भोलि शनिबार हुने निर्वाचनको तयारी पूरा भएको निर्वाचन अधिकृत लिलामणि पौडेलले जानकारी दिए ।

उनका अनुसार महासंघको चुनावका लागि तीन ठाउँमा मतदान केन्द्र तोकिएको छ। जसअनुसार जिल्ला तथा नगरका लागि कमलादीस्थित प्रज्ञा प्रतिष्ठानमा, एसोसिएटको कार्की ब्याङ्केट थापाथलीमा र वस्तुगत तर्फको लागि महासंघको केन्द्रीय कार्यालयमा मतदान हुने उनले जानकारी दिए ।

अधिकृत पौडेलका अनुसार निर्वाचन बिहान ८ बजेदेखि सुरु हुने भएको छ । शनिबारदेखि वरिष्ठ उपाध्यक्ष शेखर गोल्छा महासंघको अध्यक्ष बन्नेछन्। महासंघको वरिष्ठ उपाध्यक्ष पदका लागि वर्तमान उपाध्यक्षद्वय चन्द्रप्रसाद ढकाल र किशोर प्रधान चुनावी मैदानमा छन् ।

वस्तुगततर्फ अञ्जन श्रेष्ठ, उमेशलाल श्रेष्ठ, जिल्लानगर उपाध्यक्षमा गुणनिधि तिवारी र दिनेश श्रेष्ठ, एसोसिएटतर्फको उपाध्यक्षमा रामचन्द्र संघाई र सौरभ ज्योति प्रतिस्पर्धामा छन्। वरिष्ठ उपाध्यक्ष, तीन उपाध्यक्ष र ६० कार्यकारिणी सदस्यका लागि १२७ जना चुनावी मैदानमा रहेको महासंघले जनाएको छ ।

प्रकाशित मिति: शुक्रबार, मंसिर १२, २०७७ १६:२६

प्रतिक्रिया दिनुहोस्