किन राेकियाे हाेण्डाकाे उत्पादन ? यस्ताे छ कारण

मुख्य समाचार

गृहपृष्ठ
मुख्य समाचार

किन राेकियाे हाेण्डाकाे उत्पादन ? यस्ताे छ कारण

क्यापिटल नेपाल बिहीबार, मंसिर २५, २०७७

लन्डन (बेलायत) । बेलायतमा जापानी कार निर्माता कम्पनी होण्डाको उत्पादनमा अवरोध उत्पन्न भएको छ । परिवहनमा देखिएको समस्याका कारण पार्ट्सको अभाव भएपछि सशनडोन कारखानामा बुधवार उत्पादन प्रभावित भएको हो ।

सो कारखानामा चाहिने बेलामा मात्रै पार्ट्सहरू ल्याउने गरिएको थियो । तर बेलायतका बन्दरगाहमा जहाजको चाप धेरै भएको र बन्दरगाहमा जहाज आइपुग्न ढिला हुँदा सो समस्या आएको कम्पनीका कर्मचारीले बताएका छन् । उत्पादन सम्भव भएसम्म चाँडै सुचारु गर्ने दृष्टिकोण राखेर अवस्थाको निगरानी गरिएको कम्पनीले बताएको छ ।

कम्पनीले हवाई ढुवानी लगायत अन्य विकल्पबारे पनि विचार गरिरहेको छ । हालैका हप्ताहरूमा बेलायतको कन्टेनर आउने बन्दरगाहरूमा चाप बढेको छ । महामारी फैलिन नदिन लागू गरिएको लकडाउनका कारण रोकिएका अर्डर कम्पनीले धमाधम बढाउन थालेपछि सो समस्या आएको हो । केही कम्पनी ब्रेक्जिटको संक्रमण अवधि सकिनुअघि नै आफूलाई चाहिने सामग्री भण्डारण गर्न खोजिरहेका छन् । यसले पनि समस्या थपिएको छ । एजेन्सी

प्रकाशित मिति: बिहीबार, मंसिर २५, २०७७ ०८:४५