धान उत्पादनको प्रगति सार्वजनिकमा कृषि मन्त्रालयको ढिलाइ

मुख्य समाचार

गृहपृष्ठ
मुख्य समाचार

धान उत्पादनको प्रगति सार्वजनिकमा कृषि मन्त्रालयको ढिलाइ

क्यापिटल नेपाल आइतबार, पुस १२, २०७७

काठमाडौं । कृषि तथा पशुपन्छी विकास मन्त्रालयले धान उत्पादनको प्रगति सार्वजनिक गर्न ढिलाइ गरेको छ । देशभरका किसानले मंसिर नलाग्दै धान थन्क्याइसके पनि मन्त्रालयले धान उत्पादनको विवरण सार्वजनिक गर्न अलमलिएको हो ।

कृषि मन्त्रालयका कर्मचारीहरुले धान उत्पादन गत वर्षको तुलनामा बढेको दाबी गरे पनि कति परिमाण बढ्यो वा धान उत्पादन कति भयो भनेर भन्न सकेका छैनन् ।

धान उत्पादन कति भयो भन्ने आम सर्वसाधारणको चासोको विषय हो । तर, हालसम्म पनि धान उत्पादनको विवरण सार्वजनिक नगर्दा मन्त्रालयको आलोचना सुरु हुन थालेको छ ।

मन्त्रालयका कर्मचारी भने आधिकारीक रुपमा पत्रकार सम्मेलन गरेर जानकारी हुने भन्दै विवरण दिन मानिरहेका छैनन् ।

कृषि सचिव योगेन्द्रकुमार कार्कीले यसवर्ष धान उत्पादन गतवर्षको भन्दा केही बढेको दाबी गरे । उनले केही दिनभित्रै धान उत्पादनको विवरण सार्वजनिक गर्ने बताए ।

गत आर्थिक वर्ष २०७६÷०७७ मा धान उत्पादन ५५ लाख ४० हजार मेट्रिक टन थियो ।

प्रकाशित मिति: आइतबार, पुस १२, २०७७ १२:५०

प्रतिक्रिया दिनुहोस्