पल्सर स्पोर्टस अवार्डको हस्पिटालिटी पार्टनरमा होटल क्राउन प्लाजा

पर्यटन

गृहपृष्ठ
पर्यटन

पल्सर स्पोर्टस अवार्डको हस्पिटालिटी पार्टनरमा होटल क्राउन प्लाजा

क्यापिटल नेपालसोमबार, पुस २०, २०७७

काठमाडौं । पल्सर स्पोर्टस अवार्डको हस्पिटालिटी पार्टनरको रुपमा होटल क्राउन प्लाजा जोडिएको छ । आसन्न १७ औं संस्करणको पल्सर स्पोर्टस अवार्ड २०७६ का लागि होटल क्राउन प्लाजासँग प्रायोजन सम्झौता गरेको हो ।

नेपाल खेलकुद पत्रकार मञ्चले सोमबार एक कार्यक्रमबीच क्राउन प्लाजासँग सह–प्रायोजकको रुपमा सम्झौता गरेको हो । घरेलु खेलकुदको प्रतिष्ठित पल्सर स्पोर्टस अवार्ड यस वर्ष पुस २८ गते सेमिभर्चुअल रुपमा आयोजना हुँदैछ ।

सम्झौतापत्रमा मञ्चका अध्यक्ष दुर्गानाथ सुवेदी र क्राउन प्लाजाका प्रबन्ध निर्देशक युवराज श्रेष्ठले हस्ताक्षर गरेका छन् । लामो समयदेखि अवार्डको हस्पिटालिटी पार्टनरको रुपमा सहकार्य गर्दै आएको क्राउन प्लाजाले सम्झौतालाई यस वर्ष पनि निरन्तरता दिएको बताइएको छ ।

खेलकुदप्रतिको लगावका कारण अवार्ड कार्यक्रमलाई पनि साथ दिँदै आएको क्राउन प्लाजाका प्रबन्ध निर्देशक श्रेष्ठको भनाइ छ । आगामी दिनमा समेत अवार्ड र खेलकुद कार्यक्रममा आफ्नो सहयोग रहने प्रतिबद्धता उनले जनाएका छन् ।

मञ्चका अध्यक्ष सुबेदीले जटिल अवस्थामा पनि हस्पिटालिटी पार्टनर भएर सहकार्य गरेकोमा क्राउन प्लाजाप्रति कृतज्ञता व्यक्त गरे । सम्झौताअनुसार क्राउन प्लाजाले करिब ५ लाख रुपैयाँबराबरको सेवा अवार्ड कार्यक्रमलाई उपलब्ध गराउनेछ ।

प्रकाशित मिति: सोमबार, पुस २०, २०७७ १५:४७

प्रतिक्रिया दिनुहोस्