कृषि क्षेत्रमा एफडीआईविरुद्ध संघर्ष समिति घोषणा

मुख्य समाचार

गृहपृष्ठ
मुख्य समाचार

कृषि क्षेत्रमा एफडीआईविरुद्ध संघर्ष समिति घोषणा

क्यापिटल नेपाल आइतबार, माघ ११, २०७७

काठमाडौं । सरकारले कृषिको प्राथमिक उत्पादनका क्षेत्रमा वैदेशिक लगानी भित्र्याउने निर्णयविरुद्ध १५ वटा विभिन्न संघ-संस्थाहरुले किसान र उद्यमीलाई समेटेर संघर्ष समिति घोषणा गरेका छन् ।

कृषि उत्पादनसँग सम्बन्धित १५ वटा सरोकारवाला संघ-संस्थाहरुले किसान तथा उद्यमीहरुलाई समेटेर चितवनको रत्ननगरमा एक कार्यक्रम गरी संघर्ष समिति घोषणा गरेका हुन् ।

नेपाल अण्डा उत्पादक संघका अध्यक्ष शिवराम केसीको संयोजकत्वमा बनेको समितिमा राष्ट्रिय कृषक समूह महासंघ नेपालका महासचिव रिता बस्ताकोटी सहसंयोजक, नेपाल डेरी एसाेसिएसनका महासचिव प्रल्हाद दाहाल महासचिव, केन्द्रीय पशुपन्छी पालन सहकारी संघका बाबुराम अधिकारी कोषाध्यक्ष रहेका छन् भने अन्य १३ जना सदस्य छन् ।

नेपाल कृषिका केही क्षेत्रमा आत्मनिर्भर हुँदाहुँदै सरकारले राजपत्रमा सूचना प्रकाशित गरी सो ऐनको अनुसूची संशोधन गरी कृषिका सम्पूर्ण क्षेत्रमा एफडीआई खुल्ला गर्ने निर्णयप्रति किसान संघसंगठनको गम्भीर ध्यानाकर्षण भएको समितिले जनाएको छ ।

सरकारी नीतिले व्यवसायीलाई मजदुर बनाउने र नेपालका प्राकृतिक स्रोत साधन तथा बजार निश्चित कम्पनीहरुको नियन्त्रणमा पुग्ने हुँदा निर्णय तत्काल फिर्ता लिन संघर्ष समितिले सरकारसँगआग्रह गरेको छ ।

यसअघि कृषि क्षेत्रमा वैदेशिक लगानी आवश्यक छ कि छैन भनेर उद्यमीहरुले नेपाल उद्योग वाणिज्य महासंघ, नेपाल चेम्बर र नेपाल उद्योग परिसंघसँग छलफल गरेका थिए । निजीक्षेत्रका तीनवटै छाता संगठनले कृषिका कुन–कुन क्षेत्रमा लगानी ल्याउने वा ल्याउनुको औचित्य पुष्टि गरेर मात्र निर्णय गर्न सुझाव दिएका थिए ।

प्रकाशित मिति: आइतबार, माघ ११, २०७७ ११:१२

प्रतिक्रिया दिनुहोस्