विदेशी मुद्रा सञ्चिती बढेर १४९३ अर्ब पुग्यो, १३ महिनाको आयात धान्ने

मुख्य समाचार

गृहपृष्ठ
मुख्य समाचार

विदेशी मुद्रा सञ्चिती बढेर १४९३ अर्ब पुग्यो, १३ महिनाको आयात धान्ने

क्यापिटल नेपाल सोमबार, माघ २६, २०७७

काठमाडौं । चालु आर्थिक वर्षको ६ महिनामा विदेशी मुद्रा सञ्चिती ६.६ प्रतिशतले वृद्धि भएको छ । पुस मसान्तमा विदेशी मुद्रा सञ्चिती बढेर १४ खर्ब ९३ अर्ब ७५ करोड रुपैयाँ पुगेको नेपाल राष्ट्र बैंकले जनाएको छ ।

२०७७ असार मसान्तमा १४ खर्ब १ अर्ब ८४ करोड रुपैयाँ थियो । अमेरिकी डलरमा यस्तो सञ्चिति २०७७ असार मसान्तमा ११ अर्ब ६५ करोड रहेकोमा पुस मसान्तमा ९.७ प्रतिशतले वृद्धि भई १२ अर्ब ७८ करोड पुगेको छ ।

कुल विदेशी मुद्रा सञ्चितिमा भारुको अंश २३.७ प्रतिशत छ । ६ महिनाको आयातलाई आधार मान्दा बैकिङ्ग क्षेत्रसँग रहेको विदेशी विनिमय सञ्चिति १३.९ महिनाको वस्तु आयात र १२.६ महिनाको वस्तु तथा सेवा आयात धान्न पर्याप्त रहेको केन्द्रीय बैंकले जनाएको छ ।