८० करोड लगानीमा सिद्धार्थ केवलकार, डेढ वर्षमा सञ्चालनमा आउने

मुख्य समाचार

गृहपृष्ठ
मुख्य समाचार

८० करोड लगानीमा सिद्धार्थ केवलकार, डेढ वर्षमा सञ्चालनमा आउने

क्यापिटल नेपाल आइतबार, फागुन ९, २०७७

काठमाडौं । बुटवलबाट पाल्पाको नुवाकोटगढीसम्म सिद्धार्थ केवलकार सञ्चालनमा आउने भएको छ । केवलकारको आज अर्थमन्त्री विष्णुप्रसाद पौडेलले शिलान्यास गरेका छन । केवलकार ८० करोड रुपैयाँ लगानीमा निर्माण हुन लागेको हो ।

बुटवल तथा यस आसपासका व्यवसायीको लगानी रहेको यो परियोजना १८ महिनाभित्र पूरा हुने सिद्धार्थ केवलकार प्रालिका अध्यक्ष इं राजेन्द्रसिंह गुरुङले बताए । यसमा २५ वटा गण्डोल हुने र दैनिक ५ हजार व्यक्तिलाई ओहोरदोहोर गराउन सक्ने र एकतर्फीरुपमा जान वा आउन ८ मिनेटको समय लाग्ने अध्यक्ष गुरुङले जानकारी दिए ।

केवलकार निर्माणका लागि भारतको कलकत्तामा रहेको कन्वेयर एन्ड रोप वे सर्भिसेजसँग सम्झौता भइसकेको छ । यो परियोजनामार्फत बुटवल टेक्निकल इन्स्टिच्युटले प्रविधि भित्र्याउँदै छ ।

“हामीले प्रविधि भित्र्याउने मात्र हैन जनशक्ति उत्पादन गर्नका लागि पनि आवश्यक तयारी गरेका छौँ”, इन्स्टिच्युटका कार्यकारी निर्देशक पिएल श्रेष्ठले भने।

यसअघि बुटवलबाट पाल्पाको वसन्तपुरका लागि लुम्बिनी केवलकारको एक साताअघि मात्र प्रधानमन्त्री केपी शर्मा ओलीले शिलान्यास गरेका थिए ।

अर्थमन्त्री पौडेलले निजी क्षेत्रको लगानीमा निर्माण हुने आयोजना राष्ट्रका गौरव रहेको उल्लेख गर्दै आयोजना समयमा सम्पन्न गर्न सरकारी क्षेत्रबाट पर्याप्त सहयोग रहने बताउनुभयो ।

प्रकाशित मिति: आइतबार, फागुन ९, २०७७ २०:३८

प्रतिक्रिया दिनुहोस्