१० मेगावाटभन्दा साना जलविद्युत आयोजनाले ३ प्रतिशत ब्याजदरमा पुनर्कर्जा पाउने

मुख्य समाचार

गृहपृष्ठ
मुख्य समाचार

१० मेगावाटभन्दा साना जलविद्युत आयोजनाले ३ प्रतिशत ब्याजदरमा पुनर्कर्जा पाउने

क्यापिटल नेपाल आइतबार, फागुन २३, २०७७

काठमाडौं । दश मेगावाटभन्दा साना जलविद्युत आयोजनाहरूले ३ प्रतिशत ब्याजमा विशेष पुनर्कर्जा पाउने भएका छन् । कोरोना महामारीलगायतका कारणले थला परेका साना जलविद्यूत् आयोजनाका लागि सरकारले पुनर्कर्जा कार्यविधि संशोधन गर्दै केन्द्रिय बैंकले यस्तो व्यवस्था गरेको हो ।

पुनर्कर्जाका लागि राष्ट्र बैंकले १ प्रतिशत ब्याजदर उठाउने व्यवस्था छ । तर, विशेष पुनर्कर्जामा यसअघि कुनै कर्जा विशेषलाई छुट्टै पुनर्कर्जा दर तोकिएको छ भने उहीँदर कायम हुने राष्ट्र बैंकले जानकारी दिएको छ ।

यो सुविधा लिनका लागि राष्ट्र बैंकसमक्ष पुनर्कर्जा आवश्यकतासम्बन्धमा बैंक तथा वित्तीय क्षेत्रहरूको सिफारिसपत्र ल्याउनुपुर्ने संशोधित कार्यविधिमा उल्लेख छ। कार्यविधिअनुसार एकमुष्ट प्रदान हुने प्रतिग्राहक पुनर्कर्जाको अधिकतम सीमा पाँच करोड रुपैयाँ हुनेछ ।

प्रकाशित मिति: आइतबार, फागुन २३, २०७७ १५:१८

प्रतिक्रिया दिनुहोस्