सेयर बजार राताम्मै, रसुवागढी र सान्जेन जलविद्युतको बढी कारोबार

मुख्य समाचार

गृहपृष्ठ
मुख्य समाचार

सेयर बजार राताम्मै, रसुवागढी र सान्जेन जलविद्युतको बढी कारोबार

क्यापिटल नेपाल बिहीबार, साउन २३, २०७६

काठमाडौं । साताको अन्तिम दिन सेयर बजारका सबै परिसूचक घटेर राताम्मै भएका छन् । बिहीबार बजार ९.९ अङ्क घटेर नेप्से परिसूचक १ हजार २३८ अङ्कमा झरेको छ ।

बिहीबार ४५ करोड ४६ लाख रुपैयाँबराबरका १८ लाख ७७ हजार ५४२ कित्ता सेयर किनबेच भएका छन् । बजार घटे पनि रसुवागढी हाइड्रोपावर कम्पनी लिमिटेडको सेयर सबैभन्दा बढी कारोबार भएको छ । रसुवागढीको प्रतिकित्ता २१४ रुपैयाँमा ९ करोड ७६ लाख रुपैयाँको सेयर कारोबार भएको छ ।

यस्तै सान्जेन जलविद्युत् कम्पनी लिमिटेडको २२४ रुपैयाँमा ५ करोड १३ लाख रुपैयाँको सेयर किनबेच भएको हो । सबैभन्दा बढी कारोबार हुँदा रसुवागढीको सेयर मूल्य १० प्रतिशत अर्थात् २३ रुपैयाँ घटेको छ । यस्तै सान्जेनको ११ रुपैयाँ घटेको नेप्सेले जनाएको छ ।