नेपाल लाइफ इन्स्योरेन्सको खुदनाफा ५० करोड ६६ लाख

मुख्य समाचार

गृहपृष्ठ
मुख्य समाचार

नेपाल लाइफ इन्स्योरेन्सको खुदनाफा ५० करोड ६६ लाख

क्यापिटल नेपाल बिहीबार, वैशाख ३०, २०७८

काठमाडौं । नेपाल लाइफ इन्स्योरेन्स कम्पनी लिमिटेको खुदनाफा ८.३६ प्रतिशतले बढेको छ । चालु आर्थिक वर्षको तेस्रो त्रैमासमा कम्पनीले ५० करोड ६६ लाख रुपैयाँ खुद नाफा गरेको छ ।

बिमांकीय मूल्यांकन (एक्चुअरी) पछि कम्पनीको खुदनाफा अझ बढ्ने छ । गत वर्ष नेपाल लाइफले ४६ करोड ७५ लाख रुपैयाँ खुदनाफा गरेको थियो ।

समीक्षा अवधिमा कम्पनीको सञ्चित कोषको आकार ५८ प्रतिशतले घटेर १ अर्ब १२ करोड ३४ लाख रुपैयाँमा झरेको छ । बिमा कोषको आकार ३२.२५ प्रतिशतले बढेर १ खर्ब ७ अर्ब ६१ करोड ७७ लाख रुपैयाँ पुगेको छ ।

खुद बिमा शुल्क ३५ प्रतिशतले बढेर २४ अर्ब ९५ करोड भन्दा बढी पुगेको कम्पनीले बिहीबार सार्वजनिक गरेको वित्तीय विवरणमा उल्लेख छ । प्रतिसेयर आम्दानी भने १ रुपैयाँ ९६ पैसाले घटेर ९ रुपैयाँ ३८ पैसा कायम भएको छ । प्रतिसेयर नेटवर्थ १२३ रुपैयाँ ९२ पैसा छ ।

प्रकाशित मिति: बिहीबार, वैशाख ३०, २०७८ ०८:३७

प्रतिक्रिया दिनुहोस्