विद्युतगृह बन्द हुँदा रसुवाका गाउँ अन्धकार

मुख्य समाचार

गृहपृष्ठ
मुख्य समाचार

विद्युतगृह बन्द हुँदा रसुवाका गाउँ अन्धकार

क्यापिटल नेपाल शनिबार, असार १९, २०७८

काठमाडाैं । राष्ट्रिय प्रशारण लाइन बिग्रिएका कारण चिलिमे विद्युत केन्द्र बन्द गर्नुपर्दा रसुवाका दर्जनौं गाउँ अन्धकार भएका छन् । धुञ्चेको ब्रावल डाँडामा राष्ट्रिय प्रशारणको तार आज दिउँसोदेखि बिग्रिएको र मर्मत हुन नसक्दा उत्तरी रसुवा अन्धकार भएको हो ।

प्रशारण लाइन मर्मतका लागि दक्ष जनशक्ति पठाइदिन केन्द्रीय स्तरमा अनुरोध गरिएको र धुञ्चे ब्रावलको अलावा अन्य स्थानमा रहेका टावरको अवस्था समेत विद्युत प्राविधिकद्वारा अनुगमन भइरहेको नेपाल विद्युत प्राधिकरण रसुवा शाखाका प्रमुख प्रेमबहादुर भण्डारीले जानकारी दिए।

यसरी विद्युत प्रभावित हुने क्षेत्रहरूमा कालिका–१, उत्तरगया–१, गोसाइँकुण्ड गाउँपालिकाका ६ वडा र आमाछोदिङ्मो गाउँपालिकाको ५ वडा रहेको प्रमुख भण्डारीले बताए। रासस

प्रकाशित मिति: शनिबार, असार १९, २०७८ २३:१४

प्रतिक्रिया दिनुहोस्