ब्याज नबढाउने पत्रमा हस्ताक्षर गर्दै बैंकर, ब्याज नबढ्ने पक्का

मुख्य समाचार

गृहपृष्ठ
मुख्य समाचार

ब्याज नबढाउने पत्रमा हस्ताक्षर गर्दै बैंकर, ब्याज नबढ्ने पक्का

क्यापिटल नेपाल सोमबार, मंसिर २७, २०७८

काठमाडौं । ब्याजदर बढाउँदैमा निक्षेप बढ्दैन भन्ने निश्कर्षमा पुगेपछि बैंकरहरु यस पटक नबढाउने भएका छन् । यसअघि लगातार निक्षेपको ब्याजदर बढाउँदा पनि निक्षेप संकलनमा कुनै प्रगति नभएपछि यो पटक पुरानै ब्यादरलाई कायम राख्ने भएका हुन् ।

नेपाल बैंकर्स संघको शुक्रबार बसेको बैठकमा सबै बैंकरहरु ब्याजदर नबढाउने विषयमा सकारात्मक देखिएपछि यो पटक निक्षेपको ब्याजदर नबढ्ने देखिएको हो । अहिले बैंकरहरु बैंकर्स संघबाट गएको पत्रमाथि हस्ताक्षर गरिरहेका छन् । भोलिसम्म सबै बैंकरले हस्ताक्षर गरिसक्ने बताइएको छ ।

‘अहिलेसम्मको स्थिति हेर्दा यो पटक निक्षेपको ब्याजदर नबढ्ने देखिन्छ,’ बैंकर्स संघका एक सदस्यले भने, ‘अहिले बैंक बैंकमा प्रमुख कार्यकारी अधिकृतहरुको हस्ताक्षरका लागि पठाइएको छ । सबै बैंकबाट आइसकेको छैन् । कतिपय बैंकका सीईओले हस्ताक्षर गरेका छैनन् । अधिकांशले गरिसकेका छन् ।’

यस अघि पनि निक्षेपको ब्याजदर नबढाउने पक्षमा थिए । तर, नबिल बैंकका प्रमुख कार्यकारी अधिकृत अनिलकेशरी शाह, नेपाल बैकर्स एसोसिएसनका अध्यक्ष अनील उपाध्याय र एनआईसी एसिया बैंकका प्रमुख कार्यकारी अधिकृत रोशन न्यौपानेले कुनै हालतमा ब्याज बढाउनुपर्छ भन्ने अडान लिएपछि सबै बैंकहरु ब्याज बढाउन बाध्य भएका थिए ।

तर, निक्षेपको ब्याज बढाउँदा निक्षेप संकलनमा कुनै फरक नपरेपछि यो पटकका लागि ब्याज नबढाउने पक्षमा बैंकरहरु पुगेका हुन् । यद्यपि, कर्जाको ब्याजदर भने आगामी माघबाट बढ्ने छ ।

प्रकाशित मिति: सोमबार, मंसिर २७, २०७८ १५:०२

प्रतिक्रिया दिनुहोस्