भ्रमण वर्षलाई लक्ष्य गरी श्रीले थप्यो नयाँ जहाज

मुख्य समाचार

गृहपृष्ठ
मुख्य समाचार

भ्रमण वर्षलाई लक्ष्य गरी श्रीले थप्यो नयाँ जहाज

क्यापिटल नेपाल बिहीबार, भदौ १२, २०७६

काठमाडौं । भ्रमण वर्ष २०२० लाई लक्ष्य गरी श्री एयरलाइन्सले नयाँ जहाज थपेको छ । श्रीले थपेको जहाज नेपालका एयरलाइन्समध्ये आन्तरिक उडानमा रहेकामा सबैभन्दा ठूलो जहाज हो ।

बुधबार काठमाडौं आइपुगेको जहाजसहित श्रीसँग ८० सिट क्षमताका दुई ओटा जहाज हुने छन् । श्रीले यसअघि भदौ १ गते पनि सोही क्षमताको जहाज ल्याएको थियो । हालसम्म नेपालमा आन्तरिक उडानका लागि ७२ सिट क्षमता भएका जहाज मात्र सञ्चालनमा छन् ।

सञ्चालनमा आएको छोटो समयमै श्रीले नेपाली आकाशमा आक्रामक बजार लिइरहेका बेला केही साताअघि मात्र अन्तर्राष्ट्रिय उडानका लागि संस्कृति, पर्यटन तथा नागरिक उड्डयन मन्त्रालयबाट अनुमति पाइसकेको छ भने भारतको बनारसमा चार्टर फ्लाइट सफलतापूवर्क सम्पन्न गरिसकेको छ ।

श्रीसँग हाल बम्बार्डिएरका ५० सिट क्षमताका २ ओटा र ७० सिट क्षमताका २ ओटा जहाज छन् । नयाँ जहाजले पोखरा, सिमरा र जनकपुर उडान गर्ने एयरलाइन्सले जनाएको छ । यो जहाजसँगै श्रीसँग ६ ओटा जहाज भएका छन् ।

श्रीले हाल भैरहवा, नेपालगन्ज ,विराटनगर, भद्रपुर र धनगढीमा हवाई सेवा दिँदै आएको छ ।

प्रकाशित मिति: बिहीबार, भदौ १२, २०७६ १७:५२