हिरो मोटोकर्पका चेयरम्यान मुन्जालको घरमा इनकम ट्याक्सकाे छापा, आर्थिक अनियमितताको आरोप

मुख्य समाचार

गृहपृष्ठ
मुख्य समाचार

हिरो मोटोकर्पका चेयरम्यान मुन्जालको घरमा इनकम ट्याक्सकाे छापा, आर्थिक अनियमितताको आरोप

क्यापिटल नेपालबुधबार, चैत ९, २०७८

भारत । दुईपांग्रे सवारीसाधन निर्माता कम्पनी हिरो मोटोकर्पका चेयरमेन पवन मुन्जालको घरमा भारतीय आयकर विभागले छापा मारेको छ ।

मुन्जालसहित कम्पनीका अन्य शीर्ष अधिकारीहरुको घरमा समेत विभागले छापा मारिरहेको छ । मुन्जालमाथि आर्थिक अनियमितताको आरोप छ ।

भारतको दुईपांग्रे सवारी बजारमा हिरो मोटोकर्पको हिस्सा ५० प्रतिशतभन्दा बढी छ । एएनआईका अनुसार मुन्जालको गुडगाउँस्थित अफिर तथा घरमा आयकर विभागको टिमले खानतलासी गरिरहेको छ । विश्वका ४० देशमा कम्पनीको कारोबार छ ।

उता, छापा मारेको खबरले मोटोकर्पको सेयरमा गिरावट आएको छ । २ प्रतिशतले गिरावट आई २ हजार ३ सय ८० रुपैयाँभन्दा तल झरेको हो ।
यसको असर अटो सेक्टरका अन्य कम्पनीहरुमा पनि देखिएको छ । मारुती, बजाज अटो र टीभीएस मोटरको सेयरमा पनि १.५ प्रतिशत गिरावट आएको छ ।

यसअघि आयकर विभागले उत्तर भारतको एउटा रिय स्टेट कम्पनीको परिसरमा छापा मारेको थियो । दिल्ली–एनसआिर, चन्डीगढ, लुधियान, लखनउ र इन्दौरका ४५ इलाकामा छापा मारेको थियो ।

जसमा ४० करोड रुपैयाँभन्दा बढी नगद र ५ करोडको ज्वेलरी हात लागेको थियो । त्यसपछि विभागले मुन्जालको घरमा छापा मारेको हो ।

प्रकाशित मिति: बुधबार, चैत ९, २०७८ १२:२८

प्रतिक्रिया दिनुहोस्