सिद्धार्थ बैंकको प्रदेश १ क्षेत्रीय कार्यालयको उद्घाटन

मुख्य समाचार

गृहपृष्ठ
मुख्य समाचार

सिद्धार्थ बैंकको प्रदेश १ क्षेत्रीय कार्यालयको उद्घाटन

क्यापिटल नेपाल बिहीबार, चैत १०, २०७८

काठमाडौं । सिद्धार्थ बैंकले विराटनगरमा आफ्नै नवनिर्मित भवनमा बैंकको प्रदेश १ क्षेत्रीय कार्यालयको बुधबार उद्घाटन गरेको छ।

सो भवनको उद्घाटन बैंकका सञ्चालक समितिका अध्यक्ष मनोजकुमार केडियाले गरेको बैंकले जनाएको छ । सो भवनको उद्घाटन समारोहमा उद्योगी, व्यापारी तथा विभिन्न संघ-संस्थाका प्रमुख अगुवाहरुको बाक्लो उपस्थिति रहेको थियो ।

विभिन्न वर्गका ग्राहकहरू, व्यापारी तथा उद्योगीहरु माझ उच्चस्तरीय बैकिङ्ग सेवा प्रदान गर्ने उद्देश्यका साथ उक्त कार्यालयको निर्माण गरिएको बैंकको भनाइछ ।

साथै यसअघि विराटनगर स्थित वडा नं ७ मेनरोडबाट सेवा प्रदान गर्दै आइरहेको विराटनगर शाखालाई समेत उक्त भवनमा स्थानान्तरण गरिएको जनाइएको छ ।

हाल सिद्धार्थ बैंकले देशभर १ सय ९० वटा शाखा (४ एक्स्टेन्सन काउन्टर सहित), २ सय ८ वटा एटीएम, १ सय १४ शाखारहित बैंकिङ सेवा र १ हजार ५ सयभन्दा बढी पीओएस् मेसिनमार्फत बैंकिङ सेवा प्रदान गर्दैछ।

प्रकाशित मिति: बिहीबार, चैत १०, २०७८ १६:१४

प्रतिक्रिया दिनुहोस्