सिटिजन्स बैङ्कले सेयरधनीलाई दशैअघि नै लाभांश बाँड्ने, असोज १० मा साधारणसभा

मुख्य समाचार

गृहपृष्ठ
मुख्य समाचार

सिटिजन्स बैङ्कले सेयरधनीलाई दशैअघि नै लाभांश बाँड्ने, असोज १० मा साधारणसभा

क्यापिटल नेपाल आइतबार, भदौ २२, २०७६

काठमाडौं । सिटिजन्स बैङ्कका सेयरधनीले दशैं अगावै लाभांश पाउने भएका छन । सिटिजन्सले असोज १० गते १३ औं वार्षिक साधारणसभा बोलाएको छ । सिटिजन्सको शुक्रबार बसेको सञ्चालक समिति बैठकले असोज १० मा साधारणसभाको निर्णय गरेको हो ।

सभाले गत आर्थिक वर्षमा गरेको नाफाबाट सेयरधनीलाई नगद र बोनस सेयर गरी १५ प्रतिशत १ अर्ब २५ करोड रुपैयाँ लाभांश दिने प्रस्तावलाई स्वीकृत गर्ने छ । बैङ्कले सेयरधनीलाई १२ प्रतिशत अर्थात १ अर्ब ४ लाख रुपैयाँ नगद लाभांश र ३ प्रतिशत अर्थात २५ करोड ११ लाख रुपैयाँ बराबरको बोनस सेयर दिने छ ।

बैङ्कलाई अन्य बैङ्क तथा वित्तीय संस्थासंग मर्जर र एक्विजिसनमा जानका लागि चलअचल सम्पत्ति तथा दायित्व मूल्याँकन (डीडीए) गर्नका लागि निर्णय गर्ने अधिकार सञ्चालक समितिलाई दिने प्रस्ताव सभाले पारित गर्ने बैङ्कले जनाएको छ ।

सभामा पुँजीवृद्धिको प्रस्ताव पनि पेश हुने भएको छ । समूह क वर्गबाट ३ र ख वर्गबाट १ गरी ३ जना सञ्चालकको निर्वाचन हुने बैङ्कले जनाएको छ । सूचना हेर्न यहाँ क्लिक गर्नुहोस ।

प्रकाशित मिति: आइतबार, भदौ २२, २०७६ ११:३७

प्रतिक्रिया दिनुहोस्