एकैपटक ६ सचिवको सरुवा, प्रधानमन्त्री कार्यालयका सचिवलाई अख्तियार पठाइयो

राजनीति

गृहपृष्ठ
राजनीति

एकैपटक ६ सचिवको सरुवा, प्रधानमन्त्री कार्यालयका सचिवलाई अख्तियार पठाइयो

क्यापिटल नेपाल बिहीबार, असार ३२, २०८३

काठमाडौं। सरकारले एकैपटक ६ जना सचिवको सरुवा गरेको छ। मंगलबारको मन्त्रिपरिषद् बैठकले सरुवा निर्णय गरेअनुसार सचिव सरुवा भएका हुन्।
अख्तियार दुरुपयोग अनुसन्धान आयोगबाहेक राष्ट्रिय सतर्कता केन्द्र, विज्ञान, महिला, उद्योग मन्त्रालयका सचिवको जिम्मेवारी हेरफेर भएको हो।

प्रधानमन्त्री तथा मन्त्रिपरिषद् कार्यालयमा रहेका सचिव डिल्लीराम शर्मालाई अख्तियार सरुवा गरिएको छ। यसअघि अख्तियारमा रहेका सचिव नारायणप्रसाद शर्मा दुवाडीलाई उद्योग, वाणिज्य तथा आपूर्ति मन्त्रालयमा लगिएको छ।

राष्ट्रिय सतर्कता केन्द्रको सचिव दीनानाथ मिश्रलाई विज्ञान, प्रविधि तथा नवप्रवर्तन मन्त्रालय, सतर्कता केन्द्रको सचिवमा पूर्वाधार विकास मन्त्रालयका सचिव विश्वबाबु पुडासैनीलाई सरुवा गरिएको छ। उनी यसअघि यसअघि खानेपानी मन्त्रालयका सचिव थिए।

महिला, बालबालिका, लैंगिक तथा यौनिक अल्पसंख्यक तथा सामाजिक सुरक्षा मन्त्रालयकी सचिव राधिका अर्याललाई प्रधानमन्त्री तथा मन्त्रिपरिषद् कार्यालयमा अतिरिक्तमा रहने गरी सरुवा गरिएको छ। महिला मन्त्रालयमा यसअघि उद्योग, वाणिज्य तथा आपूर्ति मन्त्रालयका सचिव रहेका कृष्णबहादुर राउतलाई लगिएको छ।

प्रकाशित मिति: बिहीबार, असार ३२, २०८३ १३:११

प्रतिक्रिया दिनुहोस्