जारी गरिएका कानुनबाट उद्योगी/व्यवसायी आतङ्कित

उद्योग

गृहपृष्ठ
उद्योग

जारी गरिएका कानुनबाट उद्योगी/व्यवसायी आतङ्कित बरिष्ठ उपाध्यक्ष गोल्छा भन्छन्, नीति नियम लगानीमैत्री छैनन्

क्यापिटल नेपाल सोमबार, भदौ ३०, २०७६

काठमाडौं । उद्योग वाणिज्य महासंघका अध्यक्ष भवानी राणाले सरकारले उद्योगी व्यवसायीमाथि नयाँ कानुनहरु लादिएको बताएकी छन् ।
एक वर्ष यता जारी गरिएका कानुन लगानीमैत्री नभएको र व्यवसायीलाई आतङ्कित पार्ने खालका भएको राणाको भनाइ छ । उद्योग व्यवसायलाई प्रभावित गर्ने खालका धेरै कानुन आएको र ती कानुहरु जवरजस्ती लाद्ने काम भइरहेको अध्यक्ष राणाको भनाई छ ।

सोमबार नेपाल आर्थिक पत्रकार समाज(सेजन)को नयाँ कार्यसमितिलाई स्वागत गर्दै अध्यक्ष राणाले यस्तो बताएकी हुन् । उनले ती कानुनका कारण उद्योग व्यवसायका क्षेत्रमा धेरै अप्ठयाराहरु आएको भन्दै त्यस्ता अप्ठेराहरुलाई बुँदागत रुपमा तयार गरिएको बताइ्न् । ती विषय लगायत मुलुकको आर्थिक विकासमा आर्थिक पत्रकारहरुसँग सहकार्य गर्न चाहेको अध्यक्ष राणाको भनाई थियो ।

त्यसैगरी,महासंघका वरिष्ठ उपाध्यक्ष शेखर गोल्छाले सरकारले ल्याएका नीति नियमहरु लगानी मैत्री नभएको बताए । महासंघ सधै मर्यादित व्यवसायको प्रवद्र्धन गर्ने नीतिका साथ अगाडी बढेको बताए । मुलुकले लामो समयदेखि ब्यापार घाटा बढिरहेकाले आगामी दिन झनै चुनौतीपूर्ण रहेको उपाध्यक्ष गोल्छाको भनाई थियो ।

प्रकाशित मिति: सोमबार, भदौ ३०, २०७६ १७:१६

प्रतिक्रिया दिनुहोस्