धुलिखेलमा ४९ होटल सञ्चालनमा, ८ अर्ब निजी लगानी

मुख्य समाचार

गृहपृष्ठ
मुख्य समाचार

धुलिखेलमा ४९ होटल सञ्चालनमा, ८ अर्ब निजी लगानी

क्यापिटल नेपालशुक्रबार, असार ३, २०७९

काभ्रेपलाञ्चोक । पर्यटकीय नगरी धुलिखेलमा साना ठूला गरी ४९ होटल सञ्चालनमा रहेका छन् । ती होटलमा हालसम्म ८ अर्ब २२ करोड ५३ लाख रुपैयाँ लगानी भएको छ ।

सङ्घीय राजधानी काडमाडौँदेखि ३० किलोमिटरको दूरीमा अवस्थित सदरमुकाम धुलिखेलका ४९ होटलमा ९९२ ले प्रत्यक्ष रोजगारी पाएका छन् । धुलिखेलमा भएका होटलमा कार्यरत जनशक्तिका लागि वार्षिक रु १८ करोड ४५ लाख रुपैयाँ खर्च हुने गरेको क्षेत्रीय होटल सङ्घले जनाएको छ ।

सङ्घका अनुसार धुलिखेलमा होटलमा लगानी गरिएको सवा ८ अर्बमध्ये २ अर्ब ४८ करोड ९० लाख ७२ हजार बैंकको लगानी रहेको हो । यहाँका होटल व्यवसायीले राज्यलाई १३ करोड ३५ लाख तथा धुलिखेल नगरलाई ३२ लाख ७५ हजार रुपैयाँ राजश्व बुझाउने गर्छन् । सङ्घका अध्यक्ष प्रमकण्ठ माकजु श्रेष्ठले धुलिखेलमा रहेका होटलमा ९७२ कोठामा एक हजार ७४५ बेड रहेको जानकारी दिए ।

सङ्घका अनुसार जिल्लामा कूल १२४ होटल छन् । जिल्लाकै अर्को पर्यटकीयस्थल नगरकोटमा ४२ होटल छन् भने बनेपा नगरमा १०, पनौती नगरमा सात, नमोबुद्ध नगरमा पाँच, पाँचखाल नगरमा तीन र दोलालघाटमा आठ होटल रहेका छन् । जिल्लामा कोभिड शुन्य भएपछि पछिल्ला केही महिनादेखि आन्तरिकसँगै बाह्य पर्यटकको चहलपहल भइरहेको सङ्घले जनाएको छ । रासस

प्रकाशित मिति: शुक्रबार, असार ३, २०७९ १७:२०

प्रतिक्रिया दिनुहोस्