निगमका निलम्बित कार्यकारी अध्यक्ष अधिकारी अदालत जाने तयारीमा

मुख्य समाचार

गृहपृष्ठ
मुख्य समाचार

निगमका निलम्बित कार्यकारी अध्यक्ष अधिकारी अदालत जाने तयारीमा

क्यापिटल नेपालबिहीबार, असार ९, २०७९

काठमाडौं । निलम्बनमा परेका नेपाल वायुसेवा निगमका कार्यकारी अध्यक्ष युवराज अधिकारी अदालत जाने तयारी गरेका छन् ।

संस्कति, पर्यटन तथा नागरिक उड्डयनमन्त्री प्रेमबहादुर आलेबाट दुव्र्यवहारसमेत भोगेका अध्यक्ष अधिकारीले असार ६ गतेको मन्त्रिपरिषद्ले निलम्बन गरेको थियो ।

आफूलाई ४ वर्षका लागि नियुक्ति दिएको भए पनि मन्त्री आलेले व्यक्तिगत प्रतिशोध साँधेर हटाएको भन्दै सर्वोच्च अदालतमा जानका लागि कानुनी व्यवसायीहरुसँग परामर्श लिइरहेको जानकारी दिए ।

निगम सुधारका लागि धेरै कामहरु गर्दागर्दै पनि मन्त्रालयको हस्तक्षेपकै कारण समस्यामा परेको उनको भनाइ छ ।

राजनीतिक प्रतिशोध राखेर हटाएको भन्दै अबको केही दिनभित्रै अदालत जाने उनले बताए ।

२०७८ कात्तिक ८ गतेको मन्त्रिपरिषद्को बैठकले उनलाई कार्यकारी अध्यक्षमा नियुक्त गरेको थियो । नियुक्त भएको ८ महिनामै हटाइएपछि उनी रुष्ट बनेका छन् ।

यसैबीच मन्त्रीस्तरीय निर्णय गर्दै निगमकै न्यारोबडी जहाजका प्रशिक्षक पाइलटसमेत रहेका दीपु ज्वारचनलाई अर्को व्यवस्था नभएसम्मका लागि महाप्रबन्धकको जिम्मेवारी दिइएको छ ।

प्रकाशित मिति: बिहीबार, असार ९, २०७९ १८:३८

प्रतिक्रिया दिनुहोस्