एनएचपीसीले ८२ करोडको हकप्रद सेयर निष्कासन गर्ने

मुख्य समाचार

गृहपृष्ठ
मुख्य समाचार

एनएचपीसीले ८२ करोडको हकप्रद सेयर निष्कासन गर्ने

क्यापिटल नेपाल बुधबार, असार १५, २०७९

काठमाडौं । निर्माणधिन दुई जलविद्युत आयोजनालाई लगानी जुटाउन नेसनल हाइड्रोपावर कम्पनी लिमिटेड (एनएचपीसी) ले हकप्रद सेयर निष्कासन गर्ने भएको छ ।

एनएचपीसीले ८२ करोड रुपैयाँ बराबरको हकप्रद सेयर निष्कासन स्वीकृतिका लागि विद्युत नियमन आयोगमा आवेदन दिएको छ । आयोगले स्वीकृति दिएपछि नेपाल धितोपत्रमा जाने तयारी एनएचपीसीको छ ।

हकप्रद सेयर निष्कासनपछि एनएचपीसीको चुक्ता पुँजी बढेर २ अर्ब ४४ करोड रुपैयाँ पुग्ने छ । हाल कम्पनीको चुक्ता पुँजी १ अर्ब ६४ करोड १७ लाख रुपैयाँ छ । यो पुँजी साढे १९ प्रतिशत बोनस सेयर वितरणपछिको हो ।

हकप्रद सेयर निष्कासनबाट प्राप्त हुने रकम निर्माणधिन १४ मेगावाटको तल्लो इर्खुवाखोला र ४.५ मेगावाटको तल्लो इन्द्रावती आयोजनामा लगानी गर्ने एनएचपीसीका अध्यक्ष कुमार पाण्डेले बताए ।

तल्लो इर्खुवाखोलाबाट २०८० साउनबाट बिजुली उत्पादनको लक्ष्य लिएको छ । यस्तै तल्लो इन्द्रावतीको पहिला बनाएको सुरुङ सफा गर्ने काम भइरहेको उनले सुनाए ।

प्रकाशित मिति: बुधबार, असार १५, २०७९ १५:२९