एनएमबी बैंकद्वारा सुर्खेतको सामुदायिक विद्यालयको भवन पुनर्निर्माण

मुख्य समाचार

गृहपृष्ठ
मुख्य समाचार

एनएमबी बैंकद्वारा सुर्खेतको सामुदायिक विद्यालयको भवन पुनर्निर्माण

क्यापिटल नेपाल मंगलबार, असार २१, २०७९

काठमाडौं । एनएमबी बैंकले ४ वटा कोठाको पुनर्निर्माण गरी विद्यालयलाई हस्तान्तरण गरेको छ । एनएमबी बैंकले सामाजिक दायित्वअन्तर्गत वीरेन्द्रनगर सुर्खेत–१६ स्थित सरस्वती प्राथमिक विद्यालयको छाना माथिको पुनर्संरचना÷सम्भार र कक्षा कोठाको मर्मतसम्भार गरेको थियो । गत जेठमा आएको हावाहुरीले उक्त विद्यालयको जस्ताको छाना उडाएपछि विद्यार्थीहरू खुला चौरमै पढ्न बाध्य थिए ।

उक्त कार्य परियोजनाको समापन तथा हस्तान्तरण कार्यक्रममा बैंकको तर्फबाट क्षेत्रीय प्रवन्धक मित्रराज प्याकुरेल, कर्मचारीहरू निर्मल गौलीलगायत उपस्थित थिए भने विद्यालयको तर्फबाट विद्यालय व्यवस्थापन समिति शिक्षक तथा विद्यार्थी र पत्रकारहरूलगायत सदस्यहरू उपस्थित थिए ।
उक्त कार्यक्रममा क्षेत्रीय प्रवन्धक प्याकुरेलले यस सहकार्यले विद्यार्थी भाइबहिनीहरूमा पठन–पाठनमा सहज हुने विश्वास व्यक्त गरे ।

बैंकले वित्तीय कारोबार मात्र गर्ने थाहा भए पनि सामाजिक कार्यमा सहयोग गर्ने कुराले आफूहरू हर्षित भएको विद्यालयका प्रधानाध्यापक खड्कबहादुर खड्काले बताए । ‘सामाजिक कार्यमा एनएमबी बैंकको सहकार्यले शिक्षक, विद्यार्थी र अभिभावक हामी सबै खुसी छौं भने।’