काममा फर्किंदै निगमका कार्यकारी अध्यक्षले भने- अदालतको आदेश पालना गर्छु, कसैसँग दुस्मनी छैन

मुख्य समाचार

गृहपृष्ठ
मुख्य समाचार

काममा फर्किंदै निगमका कार्यकारी अध्यक्षले भने- अदालतको आदेश पालना गर्छु, कसैसँग दुस्मनी छैन

क्यापिटल नेपाल शुक्रबार, असार २४, २०७९

काठमाडौं । तत्कालीन संस्कृति, पर्यटन तथा नागरिक उड्डयनमत्री प्रेमबहादुर आलेले निलम्बन गरेका नेपाल वायुसेवा निगमका कार्यकारी अध्यक्ष युवराज अधिकारी शुक्रबारबाट काममा फर्किएका छन् ।

बिहीबार अध्यक्ष अधिकारीको निलम्बन कार्यान्वयन नगर्न सर्वोच्च अदालतले अल्पकालीन अन्तरिम आदेश दिएको थियो ।
अदालतले अध्यक्ष अधिकारीलाई मन्त्रालयले छानबिन गरे पनि निलम्बन गरिहाल्नुपर्ने अवस्था नरहेको भन्दै काममा फर्कने बाटो खुला गरिदिएको हो ।

‘अदालतको आदेशपछि काममा फर्किएको छु,’ कार्यकारी अध्यक्ष अधिकारीले भने, नियमित काम सुरु गरेको छु । अदालतको आदेश पालना गर्ने व्यक्ति हुँ । मेरो कोहीकसैसँग दुस्मनी छैन ।’

अधिकारीलाई गत असार ६ गते तत्कालीन पर्यटनमन्त्री आलेले निलम्बन गरेका थिए । आफ्नो कार्यकाल ४ वर्षको तोकिएको तर मन्त्री आलेले व्यक्तिको इगो साँधेर निलम्बन गरेको भन्दै अधिकारी सर्वोच्च अदालत पुगेका थिए ।

प्रकाशित मिति: शुक्रबार, असार २४, २०७९ १२:४०

प्रतिक्रिया दिनुहोस्