विदेश जाने बढेसँगै रेमिट्यान्स ३.८ प्रतिशतले बढ्यो, ११ महिनामा भित्रियो ९ खर्ब

मुख्य समाचार

गृहपृष्ठ
मुख्य समाचार

विदेश जाने बढेसँगै रेमिट्यान्स ३.८ प्रतिशतले बढ्यो, ११ महिनामा भित्रियो ९ खर्ब

क्यापिटल नेपालसोमबार, असार २७, २०७९

काठमाडौं । चालू आर्थिक वर्ष २०७८/७९ को ११ महिनामा विदेशबाट ९ खर्ब ४ अर्ब रुपैयाँ रेमिट्यान्स भित्रिएको छ ।

नेपाल राष्ट्र बैंकले सोमबार सार्वजनिक गरेको आर्थिक तथा वित्तीय अवस्थाबारे अध्ययन रिपोर्टअनुसार रेमिट्यान्स १२.६ प्रतिशतले बढेर ५ खर्ब ५१ अर्ब १८ करोड रुपैयाँ रेमिट्यान्स भित्रिएको हो ।

अघिल्लो वर्षको सोही अवधिमा विप्रेषण आप्रवाह १२.६ प्रतिशतले बढेको थियो । यस अवधिमा अमेरिकी डलरमा रेमिट्यान्स १.५ प्रतिशतले वृद्धि भई ७ अर्ब ५१ करोड पुगेको छ । अघिल्लो वर्ष यस्तो रेमिट्यान्स १०.५ प्रतिशतले बढेको थियो ।

समीक्षा अवधिमा वैदेशिक रोजगारीका लागि अन्तिम श्रम स्वीकृति (संस्थागत तथा व्यक्तिगत–नयाँ र वैधानिकीकरण) लिने नेपालीको संख्या उल्लेख्य रुपमा वृद्धि भई ३ लाख १३ हजार ३६७ पुगेको छ ।

अघिल्लो वर्षको सोही अवधिमा यस्तो संख्या ६८ प्रतिशतले घटेको थियो । त्यसैगरी, वैदेशिक रोजगारीका लागि पुनः श्रम स्वीकृति लिने नेपालीको संख्या समीक्षा अवधिमा २०८.३ प्रतिशतले वृद्धि भई २ लाख ५९ हजार ०९१ पुगेको छ । अघिल्लो वर्षको सोही अवधिमा यस्तो संख्या ५२.१ प्रतिशतले घटेको थियो ।

समीक्षा अवधिमा खुद ट्रान्सफर ३.६ प्रतिशतले वृद्धि भई १००६ अर्ब ७ करोड पुगेको छ । अघिल्लो वर्षको सोही अवधिमा यस्तो ट्रान्सफर ११.५ प्रतिशतले बढेको थियो ।

प्रकाशित मिति: सोमबार, असार २७, २०७९ १६:३७

प्रतिक्रिया दिनुहोस्