ज्योति र गुण ग्रुपले ११९ करोड लगानीमा बुटिक होटल ल्याउँदै, एक वर्षमा सञ्चालनमा आउने

पर्यटन

गृहपृष्ठ
पर्यटन

ज्योति र गुण ग्रुपले ११९ करोड लगानीमा बुटिक होटल ल्याउँदै, एक वर्षमा सञ्चालनमा आउने

क्यापिटल नेपाल मंगलबार, साउन ३, २०७९

काठमाडौं । दुई ठूला व्यवसायिक घरनाले राजधानीको जमलमा बुटिक होटल सञ्चालनमा ल्याउने भएका छन् । ज्योति ग्रुप अफ कम्पनिजका अध्यक्ष डा. रुप ज्योति र गुण ग्रुप अफ इन्डष्ट्रिजका अध्यक्ष राजेन्द्र शाक्यले संयुक्त लगानीमा डेज इनन बुटिक होटल सञ्चालनमा ल्याउन लागेका हुन् ।

डेज इनमा दुबै समूहको बराबर लगानी रहेको छ । होटल आगामी वर्ष सन् २०२३ को जुलाईमा सञ्चालनमा ल्याउने लक्ष्य रहेको छ । होटल सन् २०२२ को अप्रिलमा सञ्चालनमा ल्याउने तयारी भएकोमा विभिन्न कारणले एक वर्ष ढिलाइ हुन गएको छ ।

डेज इननले निर्माण गरिरहेको १० तले बहुउद्देश्यीय व्यापारिक भवनमा बुटिक होटल सञ्चालन हुने भएको छ । सो भवनमा ४९ कोठाको बुटिक होटलसहित रिटेल स्पेश रहने प्रस्ताव गरिएको छ ।

होटलमा ८० प्रतिशत बैंकको ऋण र बाँकी २० प्रतिशत संस्थापकहरुको स्वपुँजी (इक्विटी) लगानी रहने भएको छ । परियोजनाको लागत १ अर्ब १९ करोड ३० लाख रुपैयाँ अनुमान गरिएको छ । हालसम्म ९० प्रतिशत वित्तीय प्रगति भएको डेज इनले जनाएको छ ।

होटलको इन्टेरियर र फर्निसिङको काम सुरु भएको छ । डेज इनले ९५ करोड रुपैयाँ ऋणको रेटिङ गराएको छ । इक्रा नेपाल लिमिटेडले इक्रा एनपी ए फोर रेटिङ दिएको छ ।

प्रकाशित मिति: मंगलबार, साउन ३, २०७९ १६:५०

प्रतिक्रिया दिनुहोस्