आजदेखि सयपत्री हाइड्रोपावरको आईपीओमा आवेदन दिन सकिने

मुख्य समाचार

गृहपृष्ठ
मुख्य समाचार

आजदेखि सयपत्री हाइड्रोपावरको आईपीओमा आवेदन दिन सकिने

क्यापिटल नेपाल शुक्रबार, साउन १३, २०७९

काठमाडौं । सयपत्री हाइड्रोपावर लिमिटेडले प्राथमिक सेयर (आईपीओ) बिक्रीमा ल्याएको छ ।

कम्पनीले सर्वसाधारणका लगानीकर्ताको लागि आज (साउन १३ गते)देखि आईपीओ बिक्रीमा ल्याएको हो।

कम्पनीले प्रतिसेयर १०० रुपैयाँ अंकित दरको ६ लाख कित्ता सेयरहरुमध्ये आयोजना प्रभावित क्षेत्रका स्थानिय बासिन्दाको लागि निष्कासन गरी बाँकी रहेको १ लाख २१ हजार ६० कित्ता सेयर समेत थप गरी जम्मा ७ लाख २१ हजार ६० कित्ता साधारण सेयर निष्काशन गर्न लागेको हो।

जसमध्ये ५ प्रतिशत अर्थात ३६ हजार ५३ कित्ता सेयर सामूहिक लगानी कोषहरुलाई बाँडफाँट गरिएको छ भने २ प्रतिशत अर्थात १४ हजार ४२१ कित्ता कर्मचारीको लागि छुट्याइएको छ। सर्वसाधारणले बाँकी रहने ६ लाख ७० हजार ५८६ कित्ता साधारण सेयरका लागि आवेदन दिन सक्नेछन्।

कम्पनीले बिक्रीमा ल्याएको आईपीओमा छिटोमा साउन १७ गते र ढिलोमा साउन २७ गतेसम्म आवेदन दिन सकिनेछ ।

आईपीओमा लगानीकर्ताले न्यूनतम १० कित्ता सेयर खरिदका लागि आवेदन दिनुपर्नेछ भने अधिकतममा ३० हजार कित्ताका लागि आवेदन दिन सक्नेछन्।

कम्पनीको सेयर निष्काशन तथा बिक्री प्रबन्धक एनआईबिएल एस क्यापिटल लिमिटेड रहेको छ।

प्रकाशित मिति: शुक्रबार, साउन १३, २०७९ ०७:२६