आईएमई जनरल इन्स्योरेन्सको प्रमुख कार्याकारी अधिकृतमा श्रेष्ठ पुनः नियुक्त

मुख्य समाचार

गृहपृष्ठ
मुख्य समाचार

आईएमई जनरल इन्स्योरेन्सको प्रमुख कार्याकारी अधिकृतमा श्रेष्ठ पुनः नियुक्त

क्यापिटल नेपाल सोमबार, साउन २३, २०७९

काठमाडौं । आईएमई जनरल इन्स्योरेन्सको प्रमुख कार्यकारी अधिकृतमा युगेशभक्त बादे श्रेष्ठ पुनः नियुक्त भएका छन् ।

आईएमई जनरल इन्स्योरेन्सको संचालक समितिको गत आषाढ ७ गतेको १२० औँ बैठकको निर्णयअनुसार प्रमुख कार्यकारी अधिकृतमा श्रेष्ठ आजदेखि लागु हुने गरी दोश्रो कार्यकालको लागि पुनः नियुक्त भएका हुन् ।

श्रेष्ठ २७ वर्ष देखि निर्जीवन बिमा क्षेत्रमा कार्यरत छन् । बिमा क्षेत्रलाई नै आफ्नो कर्मथलो बनाएर यही क्षेत्रको विकासमा लागि परेका श्रेष्ठको नेतृत्वमा करिब ७ वर्षमा आर्ईएमई जनरल इन्स्योरेन्सले प्रगती गर्न सफल भएको छ ।

सोही अवसरमा कम्पनीको संचालक समितिका अध्यक्ष हेमराज ढकालले श्रेष्ठलाई दोस्रो कार्यकालको लागि बधाई तथा सफलताको शुभकामना व्यक्त गरेका छन् ।

कार्यकारी अधिकृतको सफथ लिँदै श्रेष्ठले आफनो कार्यकालमा आईएमई जनरल इन्स्योरेन्सलाई उत्कृष्ठ कम्पनीको रुपमा स्थापित गर्ने प्रतिबद्धता जनाएका छन् । उनले आफूलाई सहयोग गर्ने नियमन निकायहरु, बीमा समिति, कम्पनीको संचालक समितिका अध्यक्ष लगायत संचालकहरु, शेयरधनी, कम्पनीमा कार्यरत समस्त सहकर्मी साथीहरुलाई धन्यवाद दिँदै कम्पनीका ग्राहकलाई धन्यवाद व्यक्त गरेका छन् ।