बीओकेले भदौ २ गतेदेखि ऋणपत्र निष्कासन गर्ने

मुख्य समाचार

गृहपृष्ठ
मुख्य समाचार

बीओकेले भदौ २ गतेदेखि ऋणपत्र निष्कासन गर्ने

क्यापिटल नेपाल मंगलबार, साउन २४, २०७९

काठमाडौं । बैंक अफ काठमाण्डू (बीओके) लिमिटेडले भदौ २ गतेदेखि ऋणपत्र निष्कासन गर्ने भएको छ ।

कम्पनीले ७ वर्ष अवधिको १० दशमलव ५० प्रतिशत ब्याजदर रहेको ‘बीओके डिवेञ्चर, २०८६’ नामको ऋणपत्र निष्कासन गर्न लागेको हो ।

कम्पनीले प्रतिकित्ता १ हजार अंकित दरका १ अर्ब १० करोड बराबरका ११ लाख कित्ता ऋणपत्र निष्कासन गर्नेछ ।

जसमध्ये ६० प्रतिशत अर्थात् ६ लाख ६० हजार व्यक्तिगत तवरबाट बिक्री गर्नेछ भने ४४ करोड बराबरको ४० प्रतिशत अर्थात् ४ लाख ४० हजार कित्ता ऋणपत्र सर्वसाधारणका लागि निष्कासन गर्नेछ ।

सर्वसाधारणलाई बिक्री गर्ने ४ लाख ४० हजार कित्तामध्ये २२ हजार कित्ता ऋणपत्र सामुहिक लगानी कोषलाई बाँडफाँट गर्नेछ ।

यो ऋणपत्रमा भदौ ७ गतेसम्म आवेदन दिन सकिने छ । उक्त अवधिमा मागबमोजिम आवेदन नपरेमा भदौ १६ गतेसम्म थप हुनेछ । ऋणपत्र निष्कासन तथा बिक्री प्रबन्धकमा एनआईबीएल एस क्यापिटल लिमिटेड रहेको छ

प्रकाशित मिति: मंगलबार, साउन २४, २०७९ ०८:४९