आजदेखि सान्जेन जलविद्युतको आईपीओमा आवेदन दिन सकिने

मुख्य समाचार

गृहपृष्ठ
मुख्य समाचार

आजदेखि सान्जेन जलविद्युतको आईपीओमा आवेदन दिन सकिने

क्यापिटल नेपाल आइतबार, भदौ ५, २०७९

काठमाडौं । सान्जेन जलविद्युत कम्पनी लिमिटेडले आजदेखि प्राथमिक सेयर (आईपीओ) निष्कासन गर्ने भएको छ ।

कम्पनीले आज (भदौ ५ गते) देखि आयोजना प्रभावित क्षेत्रका स्थानीय बासिन्दाहरुका लागि आईपीओ निष्कासन गर्ने भएको हो।

कम्पनीले स्थानीय बासिन्दाहरुका लागि छुट्याइएको १० प्रतिशत अर्थात् ३६ लाख ५० हजार कित्ता साधारण सेयर निष्कासन गर्न लागेको हो। सो सेयरमा अति प्रभावित क्षेत्र आमाछोदीङमो गाउँपालिका-५ चिलिमे, प्रभावित वर्ग आयेजनाले निर्माण गर्ने प्रशारण लाइनबाट प्रभावित हुने आमाटादिङमो गाउँपालिका-४ गोल्जुङ, सामान्य प्रभावित आमाछोदिङमो गाउँपालिकाका अन्य वडाहरु १, २, ३ तथा न्यून प्रभावित बाँकी सम्पूर्ण जिल्लावासीहरुका बासिन्दाहरुले आवेदन दिन सक्नेछन्।

आईपीओ निष्कासन बन्द छिटोमा भदौ १९ गते हुनेछ भने ढिलोमा असोज ४ गते हुनेछ। आईपीओमा नेपाल धितोपत्र बोर्डबाट स्वीकृतिप्राप्त गरेका सम्पूर्ण सी–आस्वा सदस्य बैंक तथा वित्तीय संस्था र तिनका शाखा कार्यालयबाट आवेदन दिन सकिनेछ।

कम्पनीको आईपीओमा न्यूनतम १० कित्ता सेयरका लागि आवेदन दिनुपर्नेछ भने अधिकतममा ७०० कित्ता सेयरका लागि आवेदन दिन सक्नेछन्।

प्रकाशित मिति: आइतबार, भदौ ५, २०७९ ०८:१८

प्रतिक्रिया दिनुहोस्