नयाँ स्टक एक्चेन्ज ल्याउन नियमावली संशोधन मस्यौदा अर्थ मन्त्रालयमा

मुख्य समाचार

गृहपृष्ठ
मुख्य समाचार

नयाँ स्टक एक्चेन्ज ल्याउन नियमावली संशोधन मस्यौदा अर्थ मन्त्रालयमा

क्यापिटल नेपाल आइतबार, भदौ १९, २०७९

काठमाडौं । नयाँ स्टक एक्सचेञ्ज ल्याउन नियमावली २०६४ संशाेधन प्रस्तावका लागि अर्थ मन्त्रालयमा पठाइएकाे छ । नेपाल धितोपत्र बोर्डले स्टक एक्सेन्जका लागि धितोपत्र बजार सञ्चालन नियमावली २०६४ संशोधन प्रस्ताव स्वीकृत गरिसकेकाे छ ।

उक्त संशाेधन मस्याैदा गत साता नै बोर्ड सञ्चालक समितिबाट स्वीकृत गरेर अर्थ मन्त्रालयमा पठाइएको थियाे । बाेर्डका अनुसार संशोधित मस्यौदा अर्थमन्त्रालयको प्रस्तावमा मन्त्रिपरिषदले स्वीकृत दिएपछि मात्र कार्यन्वयन हुनेछ ।

धितोपत्र बोर्डले नयाँ स्टक एक्सचेञ्जको लागि न्युनतम चुक्ता पुँजी ३ अर्ब रुपैयाँ प्रस्ताव गरी नियमावली संशोधनको लागि पठाएको छ ।

धितोपत्र बजार सञ्चालन नियमावली, २०६४ को पहिलो संशोधन २०६७ अनुसार धितोपत्र बजार सञ्चालक (स्टक एकचेञ्ज) को न्युनतम चुक्ता पुँजी ५ करोड भए पुग्ने व्यवस्था थियो ।

अहिले बैंक, वित्तीय संस्था, धितोपत्र व्यवसायी तथा सूचिकृत संगठित संस्थाले मात्र धितोपत्र बजार (स्टक एक्सचेञ्ज) को सेयरमा लगानी गर्न सक्ने व्यवस्था छ । तर, संशोधन मस्यौदामा भने यी बाहेकका अन्य संस्थागत लगानीकर्ताले समेत लगानी गर्न पाउने छन् ।

यसअघि कुनै एक कम्पनी वा संगठित संस्थाले धितोपत्र बजारको कूल सेयर पूँजीको दश प्रतिशत भन्दा बढी अंश ग्रहण गर्न नपाउने व्यवस्था रहेकोमा त्यसलाई बढाएर १५ प्रतिशत बनाइएको छ ।

प्रकाशित मिति: आइतबार, भदौ १९, २०७९ १३:४६