सिक्लेस हाइड्रोपावरको सेयर आजबाट सर्वसाधारणलाई खुला

मुख्य समाचार

गृहपृष्ठ
मुख्य समाचार

सिक्लेस हाइड्रोपावरको सेयर आजबाट सर्वसाधारणलाई खुला

क्यापिटल नेपाल बुधबार, भदौ २९, २०७९

काठमाडाैं । सिक्लेस हाइड्रोपावर लिमिटेडले आजदेखि आईपीओ निष्कासन तथा बिक्री खुला गरेको छ। कम्पनीले आयोजना प्रभावित क्षेत्रका बासिन्दाहरुका लागि आईपीओ निष्कासन गरेपश्चात भदौ २९ देखि बुधबारदेखि सर्वसाधारणका लागि आईपीओ निष्कासन गरेको हो।

साे कम्पनीले प्रतिकित्ता १०० अंकित मूल्यका ११ लाख ५० हजार कित्ता सेयर निष्कासन गर्न लागेको हो। त्यसमध्ये ३ प्रतिशत अर्थात ३४ हजार ५ सय कित्ता सेयर कम्पनीका कर्मचारीहरुका लागि सुरक्षित गरिएको छ भने ५ प्रतिशत अर्थात् ५७ हजार ५ सय कित्ता सेयर सामूहिक लगानी कोषहरुमा बाँडफाँट गरिएको छ। सर्वसाधारणले बाँकी १० लाख ५८ हजार कित्ता सेयरका लागि आवेदन दिन सक्नेछन्।

लगानीकर्ताले न्यूनतम १० कित्ता सेयर खरिदका लागि आवेदन दिनुपर्नेछ भने अधिकतममा १ लाख कित्ता सेयरका लागि आवेदन दिन सक्नेछन्। लगानीकर्ताले नेपाल धितोपत्र बोर्डबाट अनुमति लिइ आस्वा सेवामा सहभागी बैंक तथा वित्तीय संस्थाहरुबाट आवेदन दिन सक्नेछन्।

निष्कासन बन्द छिटोमा असोज २ गते हुनेछ भने सो अवधिसम्म पूर्ण आवेदन नपरेमा आवेदन दिने म्याद असोज १२ गतेसम्म लम्बिनेछ। हाल कम्पनीको चुक्ता पुँजी ६५ करोड रुपैयाँ रहेको छ । आयोजना प्रभावित स्थानीयलाई ८ करोड ५० लाख रुपैयाँ र सर्वसाधारणलाई ११ करोड ५० लाख रुपैयाँ गरी २० करोड रुपैयाँ बराबरको सेयर निष्कासन पश्चात कम्पनीको चुक्ता पुँजी ८५ करोड रुपैयाँ पुग्नेछ ।

प्रकाशित मिति: बुधबार, भदौ २९, २०७९ १२:०३

प्रतिक्रिया दिनुहोस्