अब युरोपेली मुलुक जाने घरेलु कामदारले तालिम लिनुपर्ने

मुख्य समाचार

गृहपृष्ठ
मुख्य समाचार

अब युरोपेली मुलुक जाने घरेलु कामदारले तालिम लिनुपर्ने

क्यापिटल नेपाल शुक्रबार, भदौ ३१, २०७९

काठमाडाैं । सरकारले घरेलु कामदारका रुपमा युरोपेली मुलुकमा जाने नेपाली श्रमिकले अनिवार्य रूपमा तालिम लिनुपर्ने व्यवस्था गरेको छ ।

हाल घरेलु कामदारका रुपमा साइप्रस, रोमानियालगायत मुलुकमा पठाउँदा केही मेनपावर कम्पनीले अभिमुखीकरण तालिम नदिइ पठाउने गरेको पाइएपछि वैदेशिक रोजगार विभागले त्यस्ता श्रमिकका लागि तालिम अनिवार्य गरेको हो ।

वैदेशिक रोजगारमा घरेलु कामदार पठाउनेसम्बन्धी निर्देशिका, २०७२ ले घरेलु कामदारका रूपमा वैदेशिक रोजगारीमा जानुपूर्व कम्तीमा ३० कार्यदिनको तालिम लिनुपर्ने व्यवस्था छ ।

विभागले घरेलु कामदार अभिमुखीकरण तालिमसम्बन्धी कार्यविधि, २०७० अनुसार अनिवार्य रूपमा तालिम प्रदान गरेर मात्र श्रमिकलाई वैदेशिक रोजगारीमा पठाउने व्यवस्था गर्न सूचीकृत मेनपावर कम्पनीलाई निर्देशन पनि दिएको छ ।

प्रकाशित मिति: शुक्रबार, भदौ ३१, २०७९ १३:५१