मंगलबार पनि घट्यो नेप्से, कारोबार रकममा पनि गिरावट

मुख्य समाचार

गृहपृष्ठ
मुख्य समाचार

मंगलबार पनि घट्यो नेप्से, कारोबार रकममा पनि गिरावट

क्यापिटल नेपाल मंगलबार, असोज ४, २०७९

काठमाडौं । आज नेपाल स्टक एक्सचेन्ज ‘नेप्से’ २.०७ प्रतिशतले घटेको छ । २ प्रतिशत बढीले घटेको नेप्से परिसूचक ३८.८१ अंकले घटेर १८३७.६० बिन्दुमा झरेको हो ।

आज १ हजार ८७५ बिन्दुमा खुलेको बजार दोहोरो अंकले घटेर १ हजार ८३७.६० बिन्दुमा झरेर बन्द भएको हो । घटेको बजारमा १ अर्ब अर्ब बढीको कारोबार भएको छ । आज नेप्से उच्च बिन्दु १ हजार ८७७ बिन्दु र न्यून १ हजार ८३३ बिन्दु समातेको थियो ।

आज नेप्से परिसूचकसँगै कारोबार रकममा समेत गिरावट आएको छ । आज नेप्समा १ अर्ब २२ करोडको कारोबार भएको छ । अघिल्लो कारोबार दिन नेप्सेमा १ अर्ब ३७ करोडको कारोबार भएको थियो ।

आज नेप्सेमा २ सय ३१ कम्पनीको ३८ लाख ५६ हजार कित्ता सेयर खरिद बिक्री भएको छ । आज नेप्से कारोबारमा आएका २३१ कम्पनीमध्ये ७ कम्पनीको सेयर मूल्य बढेको छ भने १७८ कम्पनीको सेयर मूल्यमा गिरावट आएको छ । त्यसैगरी दुई कम्पनीको सेयर मूल्य स्थिर रहेको छ ।

आज नेप्सेमा स्वाभिमान लघुवित्तको सर्वाधिक ३.९२ प्रतिशतले सेयर मूल्य बढेको छ । त्यस्तै, एनएमबी ५०को ३.८७ प्रतिशत र आर्दश लघुवित्तको २ प्रतिशतले बढेको छ । त्यस्तै, कालिका पावर कम्पनीको सेयर मूल्य १० प्रतिशतले घटेको छ ।

आज नेप्सेमा हिमालयन डिस्टिलरीको सर्वाधिक ५ करोड ६५ लाख रुपैयाँको कारोबार गरेको छ । त्यस्तै, रिडी पावर कम्पनीको ५ करोड ३५ लाख रुपैयाँको कारोबार र नबिल बैंकको ४ करोड ७३ लाख रुपैयाँको कारोबार गरेको छ ।

प्रकाशित मिति: मंगलबार, असोज ४, २०७९ १६:०५